بسم الله الرحمن الرحيم موضوعى بئى المره دى اهم من اى موضوع طبعا يا فتوكات كلنا بنهتم بوشنا وبشرتنا ونفسنا تكون دايما نضره ورطبه وكلها حيوه بس مش عارفين ازاى نعمل كده يعنى انا مثلا كنت اجيب كريمات وغسول وصابونه وكل يوم لازم اهتم ببشرتى لازم الكريم لازم الغسول وعمرى ما لاحطت ولا حسيت بفرق ولو حتى بسيط المهم من غير ما ارغى كتير (ان انا كنت بستخدم كل حاجه غلط ) الصح ايه بئى ؟؟؟ الصح انك تعملى جدول يومى للعناينه ببشرتك ده لو عيزاها تتغير وده الجدول اللى مشيت عليه بالطبط بقالى شهر انا حسيت ان ده مش وشى ودى مش بشرتى معقول بقت بشرتى صافيه ووشى منور 1_ اول ما تصحى من النوم تغسلى وشك بالغسول او الصابونه (( بستخدم غسول جونسون والصابونه دوف الروز مرطبه جدا للبشره ) 2_ بعد ما تنسفى وشك تيجى لسر نضاره البشره (ماء الورد ) بقطنه صغيره تمليها ماء ورد وتمسحى وشك كله بيها (( بستخدم ماء ورد ايفا )) 3_ بعد ما وشك ينشف من ماء الورد تحطى نوع الكريم المرطب اللى بتستخدميه (( بستخدم نفيا الازرق رقيق اى ع البشره )) تمام كده خطوات سهله جدا ومش حتاخد منك اى وقت حنكرر الخطوات دى تلت مرات طوال اليوم يعنى مره الصبح ومره العصر ومره بالليل اللى عندها بئى رؤوس سودا (تستخدم غسول كلين اند كليز لازاله الرؤوس السودا) فيه منه الوان كتيره بس انا بستخدم الازرق قبل النوم تغسل وشهك كويس اوى بالصابونه (دوف ) وبقطنه صغيره عليها الغسول تمسحى وشك كله الغسول بيحرق شويه للى عندها المسام واسعه زى بس مفيش اى ضرر ده بينضف البشره اوعدك يا فتوكه انك لو مشيتى ع الاقل اسبوع ع النطام ده انك مش حتعرفى نفسك ولو بتستخدمى بودر او كريم اساس حتستغى عن اى حاجه من دى ودى صور المنتجات اللى بستخدمها غسول جونسون صابونه دوف ماء ورد ايفا كريم نفيا غسول كلين اند كلير اتمنى الموضوع يعجبكم وتقيمولى محدش يطنش انا مش بطنش حد وشرح مفصل كمان