حشوات سمبوسه
سمبوسة اللحم
نص كيلو لحم مفروم
5 بصلات كبيره مفرومه
4 فصوص ثوم مفرومه ناعم
رشةكمون ناعم
رشة كزبره ناعمه
فلفل اسود وملح
ملعقة اكل كزبره خضره مفرومه
حطي اللحم على النار في مقلاة واسعه وخليه على نار قويه لحد ما ينزل مايه ويتبخر قبل لا ينشف حطي البصل والثوم والبهارات
خففي النار وخليه مغطي يتسبك 10 دق
قبل لا تطفين عليه حطي الكزبره عشان ريحتها وارفعيها
واذا حابه تحطي معاهاجزر ميشور وبطاطس مقلي وبيضه مسلوقه ومبشوره تطلع حلوه
سمبوسة الدجاج
دجاجه مسلوقه مفتته
3 بصلات مفرومه
فصين ثوم مفرومه
ذرة
جزر مبشور
ملح وفلفل وبهارات
3 ملاعق جبن سائل
حمري البصل والثوم بشوية زيت حتى يذبل اضيفي الدجاج والبهارات وخليها على نار هاديه
بعدين اضيفي لها الجزر والذرة وخليها لحد مايذبل الجزر واخلطيها مع الجبنة
واحشي فيها السمبوسة
سمبوسة البيتزا
كوب جبن مزارولا مبشوره
جبن كرفت مبشوره
كوب زيتون اخضر الشرايح بس نقطعه صغار
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه
رشة زعتر
تخلط مع بعض
وتحشى بالعجينه
سمبوسة الخضار بالبقدونس
كيس كيلو خضار مشكله (جزر- بزاليا-بطاطس-ذره)
3بصلات مفرومه معاها فصين ثوم مفرومه
بقدونس مفروم
ملعقة مشكله من الهارات
اسلقي الخضار نص استوى
احمسي البصل والبهارات والبقدونس
اضيفي الخضار وقلبيها مع بعض
اتركيها لحد ماتبرد وبعدين احشي السمبوسة
سمبوسة مع صلصة الصويا
كوبين ملفوف مقطع شرائح رفيعة
كوب جزر مقطع شرائح رفيعة
حبة فلفل اخضر+حبة فلفل احمر+حبة فلفل اصفر مقطعه شرائح
حبتين بصل شرائح
نص فنجال شاي صلصة صويا
حمري البصل الى ان يذبل شوي اضيفي باقي الخضار وقلبيها على النار وحركيها شوي
غطيها بس خمس دقايق عشان لا تذبل واكشفيها وقلبيها لحد ما تنشف اضيفي الصويا وبس تشربها سكري عليها
سمبوسة الجبن
علبة كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
تخلط وتحشى
سمبوسة بالبطاطا
2بطاطس مقطع مكعبات
جبن كرافت مبشور
بقدونس مقطع صغار
شوي وفلفل اسود
يقلى البطاطس في الزيت وتخلط جميع المقادير مع بعض وتحشى بها السمبوسة وتقلى في الزيت
ان شاء الله تعجبكم الحشوات وبالهناء والعافية