|
شخبط شخابيط
الناقل :
elmasry
| العمر :42
| الكاتب الأصلى :
مصراويةجدا
| المصدر :
www.egyptsons.com
 شخبط شخابيط
شخبط شخابيط ................................. لخبط لخابيط
مسك الالوان ................................... ورسم عالحيط
اعمل ايه وياك ياحمادة ......................... ده اللي عملته ده أسوأ عاده
عاوز ترسم إرسم لكن .......................... من غير ما تشخبط عالحيط
دي أغنية الست نانسي عجرم اللي كانت مكسرة الدنيا اول ما نزلت ولحد دلوقت
طبعا الاغنية عجبت الكبار قبل الصغار لانها كانت بتقول للصغار وبتعلمهم الاخلاق الحميدة
وكانت بتقولهم كخ عيييييييييييييييييييييييب يا حمادة تشخبط عالحيط عشان كده وحش يا بابا
والله ده كان رأيي انا كمان لحد اول امبارح لما اكتشفت ان محتوي هذه الاغنية كارثة
والكارثة انا حطاها بخط كبيييييييييييييييييييييير فوق
يا جماعة المفروض اصلا نسيب الاولاد يشخبطوا علي الحيطة ومنمنعهمش لان البحاث والدراسات أثبتت ان منع الاطفال من الشخبطة علي الحيط ده بيقتل التفكير الابداعي عندهم (the creative thinking )
وإن اهم طرق تنمية تفكير الطفل الحديثة هي الشخبطة علي الحيط 
إرسم شجرة ونيل وبحور لكن إرسم عالسبورة
طبعا اول ماطفلنا يبدأ يمسك القلم وهوه صغير ويشخبط لأول مرة علي حيطة نمسك ايده ونضربه ونقوله كخ عيييييييييب
عاوز ترسم يا بابا خد إرسم علي الورقة دي ونخرج ونرجع بعد عشر دقايق نلاقيه سايب الورقة وراسم عالحيط برده
نقوم احنا بقي نطلع دخان من ودننا ونار من بقنا وينزل الكف دب علي قفا الواد الغلبان وياقليل الادب ياللي مبتسمعش الكلام انا قلت عالورقة انا مبيضة بالشئ الفلاني وييجي حتة برص صغير زيك يبوظلي البياض إدي إدي إدي من المنقي يا خيار صحححححححححححححححححححح
يا جماعة انتوا عارفين اول ما قولتوا للولد ارسم في الورقة ايه اللي حصل اشتغل في دماغه علي طول التفكير الابداعي
وبيقول لنفسه انا ليه ارسم في الورقة الصغيرة دي وانا عندي ورقة بيضة كبييييييييييييرة اهي ارسم عليها اللي هيه طبعا الحيطة 
واحنا بعد مالواد خد الطريحه اللي هيه طبعا قتلنا فيه الحته دي ودي بجد كارثة والله
وغلطة تانية كمان بنقع فيها احنا دائما بنسأل نفسنا هوه الولد مبيسمعش الكلام ليه ؟؟؟؟؟؟؟؟؟
اولا احنا بنكلم الولاد من فوق والاولاد حواسهم مش زي الكبار لما تيجي تكلم طفل صغير يا ترفعه علي كرسي بحيث يشوفك كويس وعينك تبقي في عينه يا إما تنزله انت علي ركبك
تتكلم بصوت واطي في الاول لو كرر الغلطة تفضل تعلي صوتك بس متوصلوش انه يخض الولد وبعد كده في الاخر ممكن توصل للضرب علي ضهر الايد ( يإيدك مش بإيد المقشة )
ثالثا إحنا مش بنبرر للولاد كخ ليه هوه كخ وخلاص الطفل يا جماعة لو معرفش السبب بيقعد يكرر الغلطة لحد ما يعرفه
فمن فضلكم قولوا لاولادكم اسباب اي حاجة حلوة او وحشة
يا جمااااااااااااااااااااااااااااااعة من فضلكم حيطة لكل طفل
ومتخافوش الولد لو قلتوله ارسم عالحيطة دي بس مش هايخرج براها إلا لو خلصت
ولو خايفين علي المنظر ممكن تروحوا مكتبة كبيرة تسألوا عن اكبر فرخ كانسون عندهم وبعدين تلزقوا كذا واحد علي الحيطة ولما بخلص خاااااااااالص إقلبوه بس لازم الرسم يقعد قصاد الطفل فترة ويبقي موضوع نقاش كمان بين الاسرة والطفل لأن ده مهم جدا
انا كده خلصت بس احب اعلق علي كوبليه كمان للست نانسي بيقول :
إحلم تكبر تبقي بيكاسوا كان يوم طفل وكان من نفسه لكن ولاشخبط عالحيط
هوه مين اللي قالها ان بيكاسو عمره ما شخبط عالحيط لو حد عنده معلومة عن الموضوع ده يا جماعة يقولي لحسن انا معرفش
والسلااااااااااااااااااام عليكم
منقول عن لسان محاضر بحترمه
|