الجــزء الاول ..
مريم فتاه تبلغ من العمر 21سنة جامعية ومن عايله محترمه وقبيله معروفه بسبب الظروف وحكم العادات والتقاليد نادر ماتخرج من المنزل لذالك ليس لديها الخبره الكافيه في التعامل مع الناس ومعرفت الخبيث وطيب العااده التي لا تستطيع مريم ان تتخلص منها هيا الجلوس علي النت ولفتره طويله تتجاوز احيانا 8 ساعات ومريم نادر ماتضيف شخص ما علي الماسنجر حتي تتاكد انه بنت لمريم صديقه تعرفها من الماسنجر منذو فتره طويله وصادف انها من نفس القبيله ونفس العمر ولكن مريم مقيمه في مدينة العين وصديقتها في ابوظبي اسم صديقت مريم هوه <<اليازيه>> في اول يوم دخلت فيه المسن <الماسنجر>
اليازيه :السلام عليكم
مريم عليكم السلام
مريم :من ؟؟؟
اليازيه :انا اليازيه
مريم :من وين يبتي اميلي؟؟
اليازيه:من عند صدبقتج نوره
مريم اوكي اذا كلامج صح قوليلي من وين نوره ؟؟
اليازيه من بوظبي صح؟؟
مريم:لا الشيخه نوره الي اعرفها موب من بوظبي ممكن الصراحه لني اكره شي عندي الجذب
اليازيه مادري وحده عطتني وقالت انها تعرفج انا اسفه
مريم:لا عاادي الغاليه شكلج طيبه وسمحيلي علي كل حال فرصه سعيده
مريم :اليازيه ممكن سؤال بس ماتزعلين اشوه الي يثبت انج بنت؟؟
اليازيه :والله بنت
مريم:اوكي كلميني بالمايك؟
اليازيه:للاسف خويه كسر المايك علي راسي لنه لقاني اتكلم فيه ويا الشباب
مريم :ههههههههههههههههه تستاهلين
اليازيه:اوكي مريومه انا بطلع الحين اذا يا خويه بيضربني
مريم :اوكي خلاص روحي عيل بسرعه وانا اسفه مره ثانيه تراني ماقصد وسموحه منج
اليازيه :بالحال يله باجر بشوج باااي
مريم ان شاء الله بااااي
مريم في هذا الوقت حست بندم لنها عاملت اليازيه بهطريقه لنه اليازيه طلعت بنت طيبه واايد ونفس الوقت ارضت فضولهاا مع مرور الايام الي وصلت شهور علي معرفت مريم واليازيه وكل يوم تزيد الثقه وكل يوم يتلاقن في المسن واليوم الي تكون مريم مادش يطير عقل اليازيه ماتعرف شوه تسوي لنه طول الليل سوالف واليازيه تخااف علي مريم من كل شي وتسئلهااا وين رايحه وين راده مريم علي نيتهاا تحسب البنت صدق تخااف عليهاا وتحبهاا لهدرجه لي موب طبيعيه في يوم من الايام قالت اليازيه لمريم تبين تشوفين صورتي ؟؟
قالت مريم كيفج انتي حره
حطت اليازيه الصوره علي المربع الي علي المسن
قالت اليازيه شوه راايج ؟
مريم حلوه
قالت اليازيه اوكي مريوم متي بشوف صورتج
مريم: ولا يهمج بتشوفينهاا بس مابرسلهاا لج اوكي حطت مريم الصوره في السكنر وطلعتهاا في المسن
مريم شوة رايج؟؟
اليازيه الله هاذي انتي ؟؟؟؟؟
مريم هيه اناا ؟؟
اليازيه :ماشاء الله عليج ماتوقعتج جذيه
مريم :ليش؟؟
اليازيه :انتي واايد حلوه
مريم :عيونج الحلوه
ماتدري مريم انه تقدر اليازيه انها تشل الصوره بدون ماطرشهاا لهاا
فارسة بوظبي
16-03-2004, 08:05 - #2
فارسة بوظبي
مشاركة: n/a
--------------------------------------------------------------------------------
هذا الجزء الثاااااني ...
عقب فتره مب قصيره وعقب ماعرفت اليازيه كل صغيره وكبيره عن مريم ما عدا الأمور العائلية .. مرت الايام ومريم تعلقت باليازيه بطريقه غير طبيعيه
أكيد في السالفه سر وفي يوم من الايام دشت اليازيه علي مريم في المسن كالعادة بس هالمرة اليازيه متغيره...............
اليازيه :السلام عليكم
مريم: عليكم السلام مرحباا
اليازيه :شحالج عساج بخير
مريم:بشوفتج بخير
اليازيه:مريم بدش بالموضوع علي طول اوكي بدون لف ودوران
مريم:امري عسى ماشر شوه صاير اليازيه خوج قالج شي ضربج قوليلي محتايه شي بسرعه كتبي ردي علي
في هاي اللحظه كانت اليازيه كل عاده ماتكتب بسرعه ومريم علي ناار وعلي نياتها خايفه اذا صار بأعز صديقاتها شي.....................
اليازيه: مريم انا ولد اوكي
مريم :لاااااااااااااااااااااااااااااااا ودري هاي السوالف ويا راسج
اليازيه :تبين تصدقين ردي علي طلب المايك
مريم:اشتريتي مايك هههههه بيذبحج خوج انتي ما اتوبين يله اخيراا الوووووووووو
اليازيه :الوووووو مرحبااا شوه رايج
مريم :لااااااااااااااااااااااا حرااااااااااام لييييييييش حرام عليك وين اليازيه انته من
اليازيه: انا راشد موب اليازيه بس شوه رايج بأسم اليازيه موب حلوو؟
في هذا الوقت مريم انفجرت من تاثير الصدمه وقعدت تبكي بكاء هستيري لدرجة رمت المايك ونست انه مفتوح وقاعد يسمعهاا وهيه قاعده تبكي علي الطاوله وهو قااعد يهديها بس ماقدرت تحمل
راشد:الوووووو مريم خلاص دخيلج دموعج غاليه عليه قطعتي قلبي مريوم خلاص اعتبريني ماقلت شي
مريم:انته ماتخاف ربك مافيك احساس ماعندك خوات كيف تخدعني طول هاي المده ليييييييييش
راشد: مريم سمعي كنت ادري لو دريتي اني ولد مابتكلميني وبعدين سبب اني اكتب ببطء انه كنت مسوي حادث ولين اليوم مأثرفيني وانا انسان متقاعد وعمري اربعه وعشرين
مريم:وانا شوه خصني خلاص ما اريد اسمع ولا اريد اعرف عنك خبر
راشد:انتي تحلمين مريم اريدج تحبيني مثل ما انا حبيتج وطول هالفترة صابر وساكت ومتحمل معاملتج لي كاني بنت
مريم :يكون عند علمك الحين بحذفك ونساني فهمت
راشد:مريم ممكن تتصلين وبنتفاهم عمرج مابتندمين بالعكس بتكسبين ريال حبج وقف عندج طول هاي الفتره وفكر فيج وفي مشاكلج
مريم:انته تحلم من خمس سنين عندي هذا الموبايل عمري ماسويتها اسويها الحين وانا حرمه وعاقل تضحك علي من انته
راشد:اوكي ممكن تمسحين دموعج الحين وتشوفين الماسنجر بطرشلج هديه
مريم: شوه؟
راشد:شوفي حبيبتي من هاي ؟؟
مريم:لا يا حرااااااااااااامي ليييييييييش من وين يبت الصوره وكيف شليتهاا
راشد ممكن تهدين وبدون صريخ عشان نعرف نتفاهم الشيخه في تتطور يسمونه التصوير انتي مارضيتي ترسلينها صح خلاص من حقي كيفي
مريم:اوكي ممكن اطلع الحين
راشد :لا قعدي شوي
مريم: الشي الي ماتعرفه انه قلبي يعورني واذا مارحت ارقد بطيح الحين جدام الكمبيوتر ممكن؟
راشد:حلفي اول مره يصيرلج جذيه ولا من قبل
مريم:اول مره ماقدر اتنفس دخيلك بطلع
راشد:اوكي خلاص باجر اترياج روحي ارتاحي
مريم:باااي
في هاي اللحظه مريم حست بكبر المصيبه لدرجة ماقدرت تتحمل وتعبت وقعدت تبكي طول الليل يمكن تبكي على فراق اليازيه الي مافي مثلها كصديقه ولا صدمة راشد والصوره ولا صدمة انه اليازيه هيه راشد وراشد هو اليازيه ولا من قوة الصفعه هذا درس لها .............مانقدر نقول انه مريم غلطانه ومانقدر نقول انها صح يمكن الثقه الي كانت موجوده بسبب مرور اشهر وايام كثيره علي التعارف الي بينهم الله واعلم .......... بعد مرور ايام بدت مريم تفكر كيف تصلح الغلط وبروحها بدون محد يدري واكيد شرط راشد الاساسي انها تتصل وهيه رافضه هاي الفكره بالمرة شوه ماصار في بعد كم يوم
راشد:السلام عليكم
مريم:عليكم السلام راشد ماريد اطول في السالفه اذا فيك ذره كرامه امسح الصوره وانته في طريق وانا في طريق
راشد:لا اسمحيلي ماقدر اتصلي واحلفلج اني بمسحها الحين بس اريد اسمع تلفوني يرن ايدي علي الحذف شوه رايج والحين يأذن الفير اني مااجذب
مريم:راشد انته عندك خوات صدقني ياراشد ربك مايضرب بالعصا وكما تدين تدان
راشد:مريم بس انا ارمس صدق ماقدر افراقج خلاص تعودت كل يوم الاقيج في المسن ماقدر اتحمل يوم ادش وما الاقيج انتي عودتيني ماقدر اتحمل فراقج يا بنت الناس انتي تجبريني اهددج
مريم:من الاخر شوه الي تريده مني؟
راشد:اريد قلبج اريدج تحبيني مثل ماحبج ونتي ولا حاسه تعامليني كاني بنت اوكي هذا طلبي موافقه امسح الصور ولا بيكون كلام ثاني وياج؟
مريم:راشد تبي فلوس وتمسح الصوره
راشد :ههههههههههههههههههه اي فلوس كم يعني 1000 او 2000
مريم:عشرة الاف
راشد:هههههههههههههههه ضحكتيني بموت انتي قلتي تدرسين يعني من وين لج فلوس تضحكين علي من انتي ؟؟
مريم:اتكلم صدق وبعدين مايهمك مين الفلوس المهم يوصلنك
راشد:لا صدق من وين بيتيبين الفلوس؟؟
مريم:عندي رصيد في البنك واقدر اسحب وقت ما انا اريد
راشد:ومن وين الفلوس الي في البنك؟
مريم:هذا حقي من المزرعه والدكاكين ابويه فاتحلي حساب في البنك سؤال ثاني؟
راشد:اهااااااااااا لا مريم اصلا انا ماريد فلوس ولا شي اريدج انتي مثل ماقلتلج وصدقيني مابلعب عليج مثل الشباب وبعدين عندي راتب ينزل مال التقاعد وهلي مايقصرون الله يطول بعمرهم
مريم:خلنا في الموضوع
راشد:خلاص انتي فكري بالرقم الي بيمسح صورتج والحين بخليج بروح ارقد
مريم:لين ترد بدعي الله يهديك وصدقني لا تفكر بالرقم لأني مابتصل لو تعلن الصوره في الجرايد ............اوكي بااااي
يمكن راشد عنده امل ان مريم بتتصل وبتترجاه بس شكلها مصره مابتتصل
بس مريم تفكر في خوهاا ووظيفته الي رح تتأثر اذا وصل شي لهم هذا هوه تفكير مريم خوها وبس الي عمرها ماخبت شي عنه والي كانت تكلم
اليازيه = راشد عنه دايما لأنه خوها الي ما يرفضلها طلب والي واثق ثقه عمياء تفكر في خوها قبل ماتفكر في نفسها وفي هلها وشو راح يصير مالقت مريم غير تدعي الله وتقرا قرآن طول الليل لين يلين قلبه ويرحمهاا ويمسح الصوره لأنه حياتها ومصيرها يتعلق بهاي الصوره وهو يلعب باعصبهاا
فارسة بوظبي
16-03-2004, 08:07 - #3
فارسة بوظبي
مشاركة: n/a
--------------------------------------------------------------------------------
الجزء الثالث والاخير ...
في نهاية الجزء الثاني لاحظنا انه مريم مالقت غير الوسيله الوحيده هي التقرب من الله وطلب الرحمه منه قبل أي شي وطبعا مريم حافظه هذا السر في قلبها وماحد يدري اكيد لا من اهلها ولا من صديقاتها ما عدا صديقه وحده واللي هي (نوره) يمكن تكلمنا عنها قبل لما كانت تحذر مريم من اليازيه بس مريم كانت مصره الله يهديها وكلنا عرفنا ان راشد طلب من مريم خيارين اما الفلوس او تتصل مقابل يمسح الصوره لها يمكن لو أي بنت ثانيه راح تختار تتصل وتحل كل شي
ونفس الوقت مانقدر نقول مريم غلطانه ولا نقدر نقول انها صح مريم انخدعت مثل وايد من البنات الله يستر عليهن
في اليوم الثاني وكالعادة على الماسنجر تترجى في راشد وتبكي ولا هو حاس لا وبعد يقول انه يحبها أي حب أي خرابيط تغير راشد استوت ماعملته جافه ومايكلم مريم من خاطره كل هذا بس عشان يذلها ............
مريم:صارلك فتره داش ولا تسلم؟؟ السلام عليكم
راشد :عليكم
مريم :شوه الحال؟
راشد:بخير.. خير شوه ؟
مريم:كل خير يا ولد العرب
راشد :اقول سمعي بلا لف و دوران اللي عندي قلته غير هاي الرمسه ماعندي وانتي تعرفين ايدي تعورني وماقدر اكتب اوكي أي كلمه بطلعلج الصوره في المسن اوكي
مريم:راشد انا يايه اتفاهم فلو سمحت السالفه مب لعبه رد علي
راشد:مريم حبيبتي انا اسف بس والله مريض ومزجم حتي ماقلتيلي سلامات اهون عليج؟؟؟؟؟؟
مريم:اول شي لا تقول حبيبي اوكي ثاني شي مب بس تهون انته تهون انته وهلك وكل طوايفك اوكي ماتعنيلي أي شيء عشان تهون ولا ماتهون
راشد :اشوف اطورت العزبه قمنا نعرف نسب وندخل بالاهل والطوايف اقولج شي بس علي هاي الكلمه الي قلتيها والله والله ثم والله ومب ريال اذا ماندمتي وعضيتي صبوعج ندم تتحديني يامريوم سبي بعد سبي ؟؟ يله اشوف
مريم:اسفه ماقصد اجرحك او اسب هلك بس انا اقصد معنى ثاني الي هو انك ماتعنيلي شي عشان تهون على لا تفهمني غلط دخيلك خلاص لا تسوي شي انسي كل الي كتبته انساه
راشد:دامه راسي يشم الهوا مابنساه ماتوقعت مريم الحساسه الرقيقه تطلع منها هاي الرمسه
مريم:خلاص ارجوووووك اسحب كلامي انساه ماصار شي لا تنتقم دخيل والديك
راشد:شوفي بنبدا نتكلم جد الحين اوكي
مريم :تفضل؟؟؟؟؟؟؟
راشد : انتي قلتي وعرضتي الفلوس صح اوكي قوليلي كم بتعطيني؟
مريم: 10 الاف لني ماقدر اسحب وايد عشان محد ينتبه
راشد :لا عشرين الاف شو قلتي؟
مريم:مايهمني الفلوس يافلان بحرقهن جدام عينك همني سمعتي وبشريها بدمي لو اني ماسويت شي غلط اتحاسب عليه جدام الناس بس الله الوحيد الي يعلم بنيتي...... بس بقولك شي شوه الي يضمنلي انك مسحتها؟
راشد:بحلفلج علي مصحف
مريم:ههههههههههه انته الحلف عندك شي عادي تذكر يوم حلفت انك بنت....... راشد ممكن تاجل الموضوع لاني بروح باجر بوظبي عند عمي واريد ارتاح بدون أي تفكير ممكن تاجل الموضوع؟
راشد:اوكي انحلت المشكله انتي بتين بوظبي استلمي الدسك بيدج وسلميني الفلوس شو رايج ترتاحين وارتاح
مريم:والله لو تموت ماشفت ظلي فهمت.......... خلاص مابروح بوظبي وبنحل المشكله هنيه
راشد: اوكي الي يريحج بس كيف شو رايج اطرشينه بتكسي؟
مريم :خلاص انسى سالفة الفلوس لاني ماظمن انك ماتهددني عقب وبعدين ممكن سؤال؟شو بسوي بالفلوس؟ يكون عند علمك بيكونن فلوس حرام
راشد: اول شي ماشي حل غير الفلوس لانج رافضه الحل القبلي وانتي عارفه شو هو ..ثاني شي ابا الفلوس اسدد السلفيه الي علي في البنك صح مابيسون شي بس علي الاقل فلوس حرام حلال مايهمني مب انتي الي تكلمين في الحلال والحرام اوكي
بقول شي اذا انتي ماتبين تجابليني عطيني اتعرف علي وحدة من صديقاتج واسلمها الدسك وتسلمني الفلوس شوه رايج؟؟؟
مريم :ماعندي صديقات يغازلن هذا اول شي بعدين يكون عند علمك عندي صديقه هكر وقدر اكلمها وتيبلي صورتي بدون أي مقابل وتقدر بعد تحرقلك جهازك بالكامل بس انا قلتلها صبري شوي
راشد:اوكي خليها تسوي الي تباه لاني يا شاطره الصوره عندي في الدسك موب بس في الكمبيوتر ههههههههه والله يهال وبعدين تضحكين على من انتي وربيعتج ترا اللي جدامج خريج امريكا اوكي فلعبي بعيد انتي وهاي ربيعتج اوكي ....والحين انا طالع وعندج مهلة اخر يوم يكون باجر تعطيني القرار الاخير عندج اثنين لا غير اوكي خليهم في بالج لين باجر الخيار الاول تتصلي؟ والثاني الفلوس؟ واختاري وفكري لين باجراول مابدش الماسنجر لا تسلمين قولي اختيارج اوكي بس بذكرج قبل لا اطلع عشان تحسين بكبر المصيبه اللي انتي فيها يا حلوه انه حتي لو غيرتي اميلج ولو سويتي المستحيل اقدر اوصلج وحتي لو كنتي بحضن امج اوكي مابوضح اكثر بس تخيلي ابوج كيف شكله وتخيلي العاثله الكريمه كلهاا والناس والعالم كل هذا حطيه في بالج لين باجر لاني والله يسويها وماعلي من حد اوكي ياماما
مريم:حرام عليك دخيلك لا تسويها بدمرني والله بنتحر لا حرام عليييييييك راشد
وطلع راشد من الماسنجر على امل يتريا رد مريم في اليوم الثاني
في اليوم الثاني طبعا مريم مانامت من البارحه من التفكير بحل المشكله وهي حتي ماقررت القرار الاخير والاختيار الاخير طبعا مريم حاطه امل انه تنزل الرحمه في قلب راشد ويمسح الصوره بدون أي مقابل..........
هي تفكر ان أي من الخيارين اصعب من الثاني .. يمكن مريم حطه في بالها انه اذا رفض انه يمسح الصوره رح تخليه ورح تهرب بتغير الاميل بس حطت في بالها كلامه الاخير انه يقدر يوصلها بدون مايعرف اميلها اليديد واي خطوه تسويها يمكن تعود لها بالاسوء فعشان جذيه ماقدرت تسوي أي شي وسلمت امرها لله سبحانه وتعالى...............
وفي اليوم المنتظر ........
راشد :السلام عليكم
مريم:عليكم السلام
راشد:شو قررتي ولا بعدج؟؟
مريم:راشد دخيل والديك ترحمني وتفكر باللي يصير لي بعد الصور صدقني انا عندي قرار واحد والحين بعد ماطلع رح انفذه راشد صدقني ما بختار أي قرار من القرارين رح اختار قراري انا الي ماايرضى الله بس على قولتهم النار ولا العار وسو اللي تباه يا فلان والي يرضي ضميرك بس حط في بالك انه الله مايضرب بالعصا وانه كما تدين تدان وانه مثل مالك خوات في ناس لهم خوات ويخافون عليهن مثلك اذا مب اكثر منك ..
راشد:مريم انا مريض وبسافر عقب كم يوم اطلب من الله ثم منج انج تسامحيني على كل مابدر مني وذكري كل شي طيب بيننا وذا ذكراي تسببلج الازعاج تذكري( يزوي) الي حبيتهاا ومابا منج لا فلوس ولا اريدج بس تذكرى انه في انسان حبج وحاول يوصلج بكل وسيله بس للاسف صديتيه وجبرتيني اني اسوي الشي اللي مايرضيني بما أني ريال ولا يرضى أي انسان في هالدنيا مابنساج وعمري مابنساج بس بقولج نصيحه يامريم شو مايستوي لا تثقين في أي مخلوق شو ما كان ولا تعطين اسرارج لحد حتي لو واثقه منه اتمنى منج تكونين قويه وماتصيحين في اتفه المواقف لانه هذا الشي يخلي غيرج يستغلج ......
مريم: راشد تكلم صدق؟
راشد:والله اني اتكلم صدق وماريد شي غير انج تسامحيني قبل لا اسافر وانج تدعيلي في صلاتج انه الله يشفيني ومثل ماقلتلج اني احبج وعمري مابنساج واقسم بالله يامريم انه صورتج خلاص امتسحت وغلاة امي الي ماعندي اغلى منها في الدنيا اني مسحتها خلاص لا تفكرين مره ولا تشيلين في خاطرج ثقي بكلامي لو مره اني صدق مسحتها ويكون عند علمج انه محد شفها غيري يعني لا تفكرين مره
مريم: انا مسامحتنك وربي يشفيك ونروح وترد بسلامه وعمري مابنساك قصدي مابنسا( اليازيه )
كل الي صار في هذا اليوم كان مثل المعجزه يمكن عشان مريم قبل لا ادش المسن كانت تقرا قران وتدعي الله لين يا الوقت اللي يدش فيه راشد المسن وتلاقيه والحمد الله انه الله نزل الرحمه علي قلب راشد في نهاية القصه تفارقو مريم وراشد بسبب (البلوك ) الي حطته مريم بعد اذن راشد طبعا وموافقته لانه هذا الشي يريحها اكثر وطبعاا هي متاكده مليون بالميه انه خلاص ماشي صوره بالمره ورح ترتاح من السالفه اللي تعبتها نفسيا وجسديا ومضت الايام وماحد يدري عن الثاني أي شي بس طبعا هذا درس لمريم عمرها مابتنساه ودرس لكل بنت تثق باي شخص مهما كان...
ملاحظه :هاي القصه مالها أي صحه من الواقع وهي من الخيال ولكن تحدث في هذا الزمن الي يكثر فيه الخبثاء ....