من خلال تصفحي للانترنت و للإيميل ولكثير من المواقع لاحظت ملاحظات عديدة
وراح أستعرض منها (على سبيل العرض لا الحصر لانها ما تـنعـد ) ,,,, وراح أحاول
أكتبها بأسلوب يفهمه الكل خصوصا المبتدئين اللي هم بأمس الحاجه لاسلوب يفهمونه
صحيح أنه ماقصروا الأخوان كتبوا خير وبركه ,,,,,,,,,, لكن كتبوه بأسلوب لايفهمه
إلا من يفهم مثله ,,,,,,,,, وراح اختصرهم بنقاط وهي أهم النقاط اللي دايم نواجهها في
تصفحاتنا وايميلاتنا :
1) الماسنجر :
بالمختصر المفيد , الماسنجر هو أول باب تفتحه للهكرز انهم
يخترقون ايميلك وجهازك , لهذا أحرص أنه اللي تضيفه يكون انسان ثقه
ويستحق الاضافه ,, لانه فيه مجموعه من الهكرز تتعمد تضيف نفسها عليك
واذا قبلت , خلاص أكتب على ايميلك السلام
2) الايميل :
طبعا الكل يوصله أنواع واشكال ايميلات , لكن هل كل هذي الايميلات
ينوثق بها او بالمعلومات اللي فيها أو المواقع ؟؟؟!
طبعا لا وخصوصا اذا فيها ملفات على شكل اتاشمنت ( ملف مرفق ) وهنا المصيبه
اذا وصلك ايميل من قروب أو من اشخاص أو من أي مكان وفيه ارتباط مرفق لتحميل
برنامج مثلا لالالالالالالالازم تتأكد قبل ما تفتحه من صحه الموقع , او ان يكون الموقع
من المواقع المعترف فيها , او ان يكون من شخص تعرفه وتثق فيه , واحذر من
بعض القروبات المغموره اللي يرسلون مواقع مثل ( موقع لارسال نتيجة الدراسه )
ويتطلب منك ادخال معلومات شخصيه عنك ( اسمك كامل – رقم تلفونك ( الجوال)
– مدرستك او جامعتك - ايميلك ) , وانت حسبالك انهم من جد بيرسلون لك شىء
لكنك وقعت في فخ لاحد الهكرز , وطبعا بيأخذ من معلوماتك الشىء اللي يهمه
والباقي قاربج , لكن فيه مواقع حقيقيه ترسل لك النتيجه وهذي المواقع تكون
معروفه ولها ارتباطات رسميه مثل المواقع الحكوميه , لهذا احذر من اعطاء
أي موقع غير رسمي او غيرموثق فيه أي معلومه عنك .
3) المواقع :
فيه مواقع وهذا الاغلب عندهم ذمه وضمير , وارتباطاتهم موثوق فيها
لكن يوجد نسبه قليله منهم , يكون هدفهم من انشاء الموقع تصيد الناس والتدرب عليهم
لهذا احذر من هذي المواقع غير المعروفه والمغموره , واحذر ايضا من تحميل أي
برنامج من موقع غير معروف ورسمي , والكلام ينطبق على المنتديات والتشاتات
4) التشاتات :
مواقع التشات هذي المواقع مايدخله إلا أصناف معروفه وهم :
1- اللي اعمارهم مابين 10 – 25 وهدفهم الكلام الفاضي وتضيع وقت
2- نوع هكرز يدورون ناس من النوع الاول يستغلونهم ويلعبون عليهم
3- والنوع الثالث وهو نادر يدخل يتفرج على الكلام والاسماء ويطلع
5) واجهات البريد :
لاحظت من بعض المواقع اللي ادخلها انهم يحطون ارتباط لموقع
بريد مثل ( الهوت ميل – الياهو – مكتوب ) وغيرهم , لكن هل هذي المواقع
صحيحه وتدخل فعلا على موقع الهوت ميل الرسمي مثلا ؟؟؟؟
طبعا لا , وانا لاحظت كثير هذي الملاحظه انه فيه هكرز يصممون موقع مشابه
هذا اذا ماكان مطابق تمام لموقع الهوت ميل , وانت على بالك ان الموقع خدمك
واعطاك موقع الهوت ميل الصحيح , لكن في واقع الامر هو اعطاك موقع صنعه
بنفسه لتقدم له ايميلك والباس وورد على طبق من فضه ( وعاد انت انطق وانتظر
ايميلك ينفتح ,, وراح تنتظر وتنتظر وتنتظر لحد ما تطفش وتظن ان العيب منك)
واذا تبغى تعرف هل هذا الموقع صحيح ؟؟
شوف عنوان الموقع اذا كان العنوان سليم وهو نفسه عنوان الموقع الرسمي تكون
بالسليم , لكن اذا لقيت اختلاف بالاسم وخصوصا في اول جزء من اسم الموقع فهذا
هو المقصود !!
6) البنوك :
اذا كنت من النوع اللي يدخل للبنوك لتسدد أو تشوف حسابك أ و....
ماراح يسمح لك البنك تتعامل معه حتى تكون قوة تشفيرك أقل شىء 128 بت
واذا كنت اقل من كذا فإن البنك راح يطلب منك تقوي قوة تشفيرك عشان تحمي
معلوماتك التي راح يتم مراسلتها للبنك وبالتالي ماتسرق منك , واذا كنت ترغب
في معرفة قوة تشفيرك روح لمتصفح الانترنت عندك وشوف المعلومات اللي عنه
وكم قوة تشفيرك , اذا كانت اقل من 128 بت ,انصحك انك تقويها , وذلك طريق
الدخول لموقع المتصفح حقك وتحديثه
7) الفلوبي دسك & السي دي :
كثير منا يتناقلون البرامج والألعاب من هذي الدسكات , لكن
انصحكم قبل ما تفتحون أي واحد منهم , روح لبرنامج الحمايه عندك ( مثلا الانتي
فايروس ) , وافحص الدسك قبل ماتفتحه , انت ماتدري ممكن يكون فيه بلاوي تسبب
في اعدام جهازك بلحظه بسيطه , والعمليه هذي ماتكلفك أكثر من دقائق أو اقل حتى
وهي بنفس الوقت تحميك ..
* فيه معلومه مهمه ابغى اقولها لكم :
ممكن من كثرة ما تتنقل الدسكات من شخص إلى آخر وكثرة النسخ فيها يسبب
أنه تسقط أحد الملفات منه أثناء التحميل وبالتالي البرنامج يكون ناقص , وبكذا
الكمبيوتر مجرد ما يفحص هذا البرنامج راح يلقاه ناقص وفيه عيوب وبالتالي
راح يعتبره انه فايروس , وحتى اذا ما اعتبره فايروس راح يسبب لك مشاكل
ويعطل الكمبيوتر ويعلق عليك , لهذا انصحك تلغي البرنامج وتحمله مره ثانيه
بشكل صحيح
8) المهندسين والمبرمجين :
من المعروف أنه اذا واجه جهازك أي مشكله توديه للمختص
عشان يعالجه لك , لكن للأسف فيه أقليه منهم ماعنده ضمير , يستغلك ويضع ملفات
تجسس بجهازك , وبالتالي يتحكم بكل شىء بجهازك ( وانت ياغافل ) , لهذا حاول
انك تدور على شخص ثـقه أو معروف سابقا
9) الهكرز :
بمجرد ما تعرف أو تحس أنه تم اختراق جهازك أو ايميلك لاتخاف
ولا ترتبك , خلي خطواتك منظمه : --
اولا : طفي جهازك
ثانيا : اتصل بكل اصحابك اللي مضيفهم لبريدك أو ماسنجرك واطلب منهم على
طول انهم يحظرونك تماما , واذا انت لك التزامات لازم ترسل ايميل أنك غير
مسؤول تماما عن أي شىء يصدر من ايميلك المسروق
ثالثا : اعطي جهازك لشخص مختص يسوي له فورمات ويمسح كل مافيه تماما
لانك ماتعرف ( ممكن الهكرز يكون حمل على جهازك ملفات تجسس )
رابعا : انتبه تفتح ايميلك بعد كذا حتى لو سويت لجهازك فورمات , ( لان فيه
احتمال انه الهكرز يتبعك ويخترق جهازك مره ثانيه )
وفيه نقطه مهمه ابغى اقولها :
البعض بمجرد ما يعرف انه جهازه اخترق من هكرز يخاف ويستجيب لطلبات
الهكرز , كذا غلط أنت تعطيه فرصه أكبر يأخذ معلومات عنك أكثر ويقدر يهددك
أكثر وأكثر , لكن اذا سديت الطريق بوجهه من البدايه , كذا تحمي نفسك من أنه
يسرق معلومات أكثر منك ( القليل ولا الكثير ) , وفيه نوعيه يسب ويشتم بالهكرز
لا وبعد يتحداه , وهذا أكبر غلط , لانك شحنته ضدك وخليته يترك كل شىء ويركز
اهتمامه كيف يحطمك , الحل زي ماقلت : اطفي الجهاز وخلك ابرد من الثلج
لانه راح يحتار : هل انت خايف منه ؟؟؟ , هل وصل أساسا تهديده ؟؟؟