كان يا مكان
يا سعد يا اكرام
ما يحلى الكلام إلا بذكر النبى عليه الصلاة والسلاام ..
كان فى مرة .. حمار
وقع فى بير .. عميـــــــــــــق
الناس مكنتش عارفة تعمل معاه ايه
مش عارفين يخرجوه
قعدوا يفكروا
لو موتناه هيعفن ويعمل ريحة مش كويسة
ومش هنعرف نخرجه
فيعملوا ايه ؟؟
قرروا يدفنوه فى مكانه ..
وجم كل يوم يرموا عليه رمل و قمامة و و و
عشان يردموا عليه ..
كان الحمار زكى
كل ما بيترمى عليه حاجة
كان بيهز ضهره ويرمى كل الحاجات دى تحتيه
وهكذا
كل يوم
كل ما يترمى عليه شيئ .. ينزله تحت رجليه
و يرتفع هو
شوية بشوية طلع لفم البير
وقدر يخرج منه ..
بسبب ايه ؟؟
شوية قمامة ........
لو الظروف او الناس اللى حوالينا بتحاول تضعفنا .. فاحنا ممكن نستخدم الحاجات اللى بتضعفنا دى فى انها تقوينا
و تخلينا نعدى .. و نكون احسن كمان ..
كلنا نقدر نعمل دا ...
مش لازم نعلق كل حاجة على شماعة الظروف و عالغير
طاقتنا ومشاعرنا الداخلية هى الوحيدة اللى ممكن تحركنا وتغير كل شيئ
و إلى اللقاء فى حدوتة جديدة من أبلة روكا 