قصيدة كهرب ومزة
نصيحة وجهتها الى ابني الغالي....
يابوي انابو صيك ناسب هل الطيب
اللي لهم قدر ومكان ومعزة
اللي تعرف الميز وايضا المواجيب
ووجهن وجاهن لك تجي كل حزة
حذراك لاتاخذ بنات الاجانيب
تبعدك عن دارك وربعك بهزة
واذا حشمت اقاربك جاك تاديب
منها وتضغط لين عنهم تنزه
ان جبت شي ن جاك زن ومناشيب
واذا صمحت ايجيك منها مفزة
ولو تمد الها الملايين بالجيب
تقول مايعطي ولالك مرزة
تبخل على من يدمح الشخصك العيب
وتحاسبه مابين كهرب ومزة
وتدق لختك بغضها بالمناسيب
وتحرمك منها لو غلاها منزه
تسقيك كاس الذل في كل تصويب
واعيالها لك جرعة ن كل وزة
وان شلت ربعك جاك سب او تهاويب
ودايم عبوس بوجهها مشمئزة
بنت العرب تملا محلك تراحيب
وتحشم هلك من حشمتك وانت رزة
نصحت لك من ما جرى من تجاريب
لي وانت هذا العلم يالشهم وزه
21/12/1431ه
* شعر النصيحة