سر يا قلم واكتب من العز تعزيز
سر يا قلم واكتب من العز تعزيز
من هاجساً في بحر عز ومعزه
من هيض هاجوساً يجي فيه تركيز
حتى يجي للعلم مبدا ومزه
ماهوب هيكل صورتاً في براويز
يكسره ريح الهواء لو يهزه
يابو سند للوضع منهج وتمييز
ويمك كتابي يالقبوري نكزه
اقر الكتاب ونجز الوضع تنجيز
لاتجل الموضوع حزه وحزه
خابرك منت من الخدوش المعاويز
معوز مره في كل درباً تدزه
انته من الي يكسرون الحواجيز
وركض الاصيل يبينه في ملزه
يوم الملاقا بالرماح المراكيز
تعم العدو والا صديقك تعزه
يابو سند قلبي غدا فيه تفزيز
من حب مجمولأ فوادي يجزه
اللي غرامه خرز القلب تخريز
واحرق معاليق الضماير بقزه
امطرزاً حبه على القلب تطريز
ورمح الغرام بوسط قلبي يرزه
حجز هواجيسي عن الغير تحجيز
واليا اقترب غيره من القلب دزه
بيبان قلبي فتحت له دراويز
ويلعب بقلبي لعب طفل بمهزه
عن وصفها يحدث من الشعر تعجيز
وخوفاً من التقصير عنه اتنزه
من دونها حالو رجالاً مباريز
واقفا وعيني يالقبوري تقزه
حار القدم كنه مصاب برماتيز
اوكن مسماراً على الأرض لزه
هذا وانا ماحزز الهرج تحزيز
اعطيك هرجاً من فوادي مغزه
ابيات قلناها ولا القصد تعجيز
والحر يفهم ما يقارن بوزه
ومبدا القصيده والنهايه تعازيز
يالله توفقنا بعز ومعزه