عتاب
ليه امشى حافى ،وانا منبت مراكيبكـم
ليه فرشى عريان،وانا منجّد مراتبكـم
ليه بيتى خربان ،وانا نجّار دواليبكـم
هــــى كــــده قـسـمـتـى؟
الله يــحــاســـبـــكـــم!
ساكنين علالى العتب،وانا اللى بانيهـا
فارشين مفارش قصب،ناسج حواشيها
قانيين سواقى دهب،ونا اللى ادور فيها
يـــارب مـاهــوش حــســد
لـــكــــن بـعـاتـبــكــم
من الصبـاح للمسا،والمطرقـه فيـدى
صابر على دى الاسا ! حتى نهار عيدى
ابن السبيل انكسى ، واسحب هرابيدى
تـتـعـروا مــــن مـشـيـتـى
واخـــجـــل اخـاطـبــكــم
ليه تهدمونـى وناللـى عزكـم بانـى
انا اللى فوق جسمكم قطنـى وكتانـى
عيلتى فى يوم دفنتى مالقيتش اكفانـى
حتى الاسيّه وانـا راحـل وسايبكـم؟