السلسلة دي هتكون للبنات اللي ملهمش في شغل البيت او مايعرفوش عنه حاجه وخصوصا المقبلات علي الزواج
في الاول كنت بصراحة مستهيفة الموضوع شوية يعني هو في حد مابيعرفش يكوي او ينظف او يخيط ....الخ
بس بصراحة لقيت ان في ناس بجد مالهاش في الاعمال المنزلية
النهارده هنتكلم عن طريقة الكي وازاي تقدري تكوي بسهولة من غير اصابات
من النهارده خلي شعارك اعملي بنفسك وماتعتمديش علي غيرك
اهم حاجة في عملية الكي انك تكوي علي حاجه ثابتة ومستوية وعشان كده و عن نفسي بافضل الترابيزة بتاعت السفرة او اي ترابيزة كبيرة
مش بحب ترابيزة المكواة لانها صغيرة وكمان مع وجود الاطفال بتكون غير آمنة وغير ثابتة
بما اننا هنكوي علي ترابيزة كبيرة فمحتاجين حاجه نكوي عليها عشان الحرارة والزجاج بتاع الترابيزة
فلو عندك كوفرته قطن او اي حاجه بس تكون قطن عشان ماتتزحلقش
طبقيها كام طبقة وحطيها علي الترابيزة وياريت لو فاتحة عشان ماتبهتش علي الملابس او اتاكدي ان الوانها ثابتة
نيجي بقي للكي نفسه طبعا كل واحده علي حسب نوع المكواة اللي عندها عادية ولا بالبخار ونوعها ايه
وياريت تاخدي بالك من درجات الحرارة ونوع الملابس عشان مافيش حاجه تتحرق منك
والمعلومات دي بتيجي في كتالوج المكواة او بتكون علي المكواة فخدي بالك منها
النهارده هنكوي قميص تعالوا نشوف الطريقة :
وبكده نكون خلصنا القميص واستنونا في حاجات تانية كتير