صباحك ياوطن .. ميلاد
صباحك يا وطن// ميلاد
صباح ترابك// أركانك
هدوب الشمس في عينك .. غدت أحلى
بعد عام انتظار .. لعينك الكحلى
تطل بعيدك الزاهي ،،
ينوّر في سما العالم //
ويعزف للفصول الماره أغصانك
يثير شعور هالأقلام
وتسطر شاعِرَتك البوح والأشعار
تغنيها على اوذانك
( صباحك ياوطن ميلاد ..
يزيّن روح بستانك)
عمان النور / ياكل الفصول وعشقنا الخالد
نحتنا بالنخيل اسمك / تفاخرنا بأمجادك
يا انتي .. الشامخه فوق السحايب .. والزمن شاهد
تقلدتي عقود الحب .. عزه .. والحسن زادك
عمان الحب .. جينا نحتفل بك عيد ونعايد:
شموخك/ كبرياءك / عنفوانك / هيبة أسيادك
نهني فيك "قابوس" الشهامة .. القائد .. الوالد
نهني من بنى مجدك .. على يومك وميلادك
هنا مر الغمام .. وفاح عطر الأرض
هنا سلطاننا يرسم على كل الوجوه // أفراح
هنا الأعياد وأيام السعادة تدووم
هنا كل الجبال تمهدت للناس
هنا كل الرؤوس بتنحني لقابوس..
ترى والله يا مولاي ماننسى
حوار البحر للمرسى
حواري الطين كسرت حاجز المنفى
ترى والله يامولاي ماننسى
حديث النور للظلمة
حديث الطير راجع للبلد في عيد
نثر في ريشه أخبار المطر في البيد
وانه صبحنا راجع // بعز المجد والأجداد
وعز الصاريه والريح
هنا والريـح
هنا والليل وأخبار المسافة تبيح
هنا والنور واخبار السفر ..
وأخبار العصافير الصغيره الساكنه وسط الشجر
هنا هذي الشوارع تحتفل بك // ضو
ويرقص موجك وبحرك
يعانق رونق جبالك
يكمّل حفلها الراقي // عبير الجو
ترعرعنا وسط ظلك .. ولابه موطنٍ ثاني
يعوضنا حنانك وان حفرنا الكون طول وعرض
نغني فيك انشودة : (بلاد العرب أوطاني)
عهد نبقى على طينك ..وعهد الحر دين وفرض
يردد فيك شعبك هالوفي من قاصي وداني :
( نحبك قائد وأمه // نحبك شعب ..أم وارض )
نظل بخارطة رسمك
وجغرافيتك والأرض
نخلدمن سلاطينك هنا تاريخ
ترش عطوره الأجيال
وتنقل كل تفاصيله // فخر ديره
هنا هذي الحكاية ابتدت .. واكتظت السيره
هنا كل الأسامي // كلها "قابوس"
هنا كل الأسامي // كلها "قابوس"