سلامي الغالي
لامي الغالية " مسقط " ..
سلامي لبيتي المهجور وأشيائي ..
أبستأذن شوارع أرضك // أبكيها
وأحمل انتصاراتك وراياتك // وأرثيها
على نفس الدروب اللي عبرتك واحتويتيني ..
وقعدت هناااااك ...
أدوّر عن سنيني الماضية فيها ..
وأحلامي ؟؟
ترى وش صار بأحلامي ؟؟
محيتيها ؟
دفنتيها ؟؟
ذبحتيها ؟؟؟
أو انك بين وديانك طميتيها ؟؟!!
وقالوا " مسقط " اللي كااانت الدكه
تعيـش أيامها .. بالنــزف والتجــريح
وأجيلك حزن ؟؟ مدري خوف أو ربكه ؟؟
أحس رجلي ثقيـ...ـله والدموع تسيح
أبسأل هالجسد .. من سبّب بهتكـــه ؟؟
صحيح انه ضحية اغتصاب الريح ؟؟!!
عجزت اتنفس الموقف
وقمت أسترجعك "مسقط " ..
شواطيك الجميلة ..
لونك الأخضر ..
وأشجارك ..
شوارعك المضيئة ..
حسنك الأخّاذ .. وأزهارك
وأنوارك //
ومحّارك //
ومكنونااات أسرارك
يجي "جونو" .. على أرضك ويتمخطر
يمزق خارطة .. أبدعها ربـي فيك
ولـــولا حكمة الله .. الخـــالق الأكـــبـر
بقــص إيــد الــذي فكّر يجي يئذيك
قسم لو شارع .. أو شي فيك .. يتعصّر
يعصـــّر كل قلبٍ بالدمـــــا يفديـــك
وأنا مدري ؟.. أحـــس الصدر يتفــجر
وأحس اني من الضيقة قهر أبيكك
مصابك هم ..
يسهّر 1000 عين وعين تدعيلك ..
تألمنا مناظرك الحزينة بشاشة الواقع //
وإحنا نطلب المولى يخف سيلك ..
وتجرف أوديتك الناشطة أرواحهم معها ..
ألا ياتربة الشهداااااء ..
دخيل الله تخفّي من دجى ليلك
تعبت أرثيك "مسقط " وأرثي أحبابي
تعبت أنزف جروحي .. وبالبكا أفرط
وأسمع صوتك المبحووووح في بابي
وأشوف خطوطك السمراء تتشخبط
بجـــي أسترجعك .. وأســـترك بثيابي
ترى أرواحنا ترخص لجل "مسقط"