هبي على يالهبوب الوارده هبي
قضي على صدري الناحل مداهيله
اضلوعي مثل الجمر والنار تشتبي
ماهتز باسي حشا قدام ذا الليله
روحي ولاشفتي إني باهدا نبي
ياجعل صدر الذي معاد ياوي له
مدام ابي تاعبن والله مايتعب بي
الا اذا مرض ابي مافي يدي حيله
ماكني اللي على طول الصبر ربي
شكواى للي جميع الناس تشكي له
لو ان قلبي دوا وعلاج ابي طبي
في ذمتي مادخر مدام كلي له
احبس دموعي حزن واصد واخبي
واروح اردد يارب البيت وادعي له
يارب منك الشفاء يارب واربي
ماذوق حزنه عساني فدوة ارجيله
يارب هات المرض فالي وفي لبي
بس يتعافى من الباس وغرابيله
ياجعل يومي قبل يومه وتذهب بي
سود الليالي وتقبرني تهاليله
اللي إلى ردد اسمي جيت متنبي
وافز مثله إلى جا عليا لنديله
يقول حمدان وانا افز والبي
إذا مالبي لبي مني البي له
والله لولا المخافه منك ياربي
اني لصلي لبي واقبل ارجيله
