حبيباتي فتوكاتي
كل سنة وانتو طيبيبن وبألف صحة وسعادة ويارب السنين اللي جاية تكون مصرنا الحبيبة بأفضل حال
ننخوووش بئا في موضوعنا وبلاش رغي عشان نشفان الريق ونظرا لأن رمضان جاي في جو جمييييييييل الحمد لله .. فكلنا أهم حاجة عندنا ع الفطار العصاير والمشروبات الباردة
بالذات الخفيفة المتلجة اللي تروي
أنا كنت اتعلمت طريقة اعداد شراب ( يتشرب مش يتلبس طبعا ...ههه) من وحدة صاحبتي الله يذكرها بالخير وقولت أشيره هنا مع حبيباتي الفتوكات لأنه والله بجد راااااااااااااااااااائع وكل اللي داقه عندي طلب الطريقة لدرجة إن وحدة صاحبتي لما قدمتهولها قالتلي والله بالنص : دا كأنه شراب أهل الجنة أنا متخيلا إن الجنة يبئا فيها مشروبات زي دي
المهم هنحتاج يا قمرات :
1. 6 ملعقة كبيرة تانج باودر برتقال .. ويفضل المستورد لو موجود ( أنا بجيبه معايا من برا ) ولومش موجود مش مشكلة وإن شاء الله يطلع حلو برضو
2. نص حزمة نعناع أخضر... ويكون مرعرع ومنعنش كدا ولو ان دا شبه مستحيل في الحر اللي احنا فيه دا لكن خلي عشمكو في الله كبير
3. 2 ليمونة خضرا .. ودا هنلاقية بسهولة إن شاء الله
4. نص تفاحة .. ودا مش أساسي أوي
5. 4 ملا عق كبيرة سكر خشن ... ودا معتدل ممكن تخفيفه عن كدا لكن لا يفضل إنه يكون سكره كتير ودا برضو حسب الرغبة
* الطريقة
ننضف النعناح ونغسلو كووويس ونقطع اليمون شرايح والتفاح كذلك ونضيف التانج والسكر وربع كوبابة مية مع كل دا ونفركهم كويس جداااااااا وننقع الخليط دا كذا ساعة ويفضل من الليل
وبعدين نخرجه ساعة التقديم ونخففه ب أربع كوبايات كبيره ميه ساقعة ونصفيه ونقدمه ونستمتع بالطعم الرائع
= تكة صغنونة على جنب : ممكن تقطعي التفاح بقطاعة البطيخ والشمام اللي بتطلع كور صغنونة وتبئي تقدمي في كوبايات العصير مع شرايح الليمون وورق النعناع الطازج غير اللي نقعنا بيه ( بتدي شكل جميييييييل أوي )
وبالهنا والشفا على قلوب الفتوكات وحبايبهم
ومتنسووووووش الدعاااااااااااااااء والتقييم والردود