لما طريق الحب ندانا رحنا لخطوة كتبها علينا
بعد يومين فـ السكة رمانا للايام تتحكم فينا
رحنا بدمعة وجينا بدمعة زى مارحنا زى ماجينا
***
كنّا فـ بحر الوحدة ياقلبى حزن ودمع وحيرة ونار
واما لمحنا البدر بيرقص جوه عيونه فـ احلى مدار
رحنا بتحضنا الاحلام يمكن تصالحنا الايام
بعد سهرنا اكيد ح ننام والاحلام ترقص فـ عينينا
***
قلنا ح ننسى ليالى الاه لما نعيش فـ الجنة معاه
بعد الصبر اكيد حنعدى بحر الحزن للاحلى حياة
واما الحب اتحكم فينا صب كاسات الحزن علينا
رحنا بدمعة وجينا بدمعة زى مارحنا زى ماجينا