السلام عليكم ازيكم يا فتوكات ممكن بس قبل ما تخرجوا تعملوا تقييم للموضوع عشان يتثبت نفسى كل واحده مرت بنفس ظروفها تقرا قصتها انا جايه احكيلك انهارده على مأساه عانس او كانت عانس بقى عشان تعرفوا ان ربنا كرمه كبيرررررررررررررر ومبينساش حد و رزقك هيجيلك هيجيلك ومحدش هيخده غيرك بصى يا ستى انتى وهى ماما معاها فى المدرسه مدرسه حلوه مش وحشه كانت مخطوبه فى العشرينات لابن خالتها .. المهم الخطوبه اتفشكلت وهى يتيمه الاب وعايشه مع امها وملهاش اخوات وقرايبها تقريبا قاطعوها بعد ما فسخت الخطوبه من ابن خالتها وكده وماماتها ست كبيره ووزنها تقيل ومريضه كانت علشان تروح للدكتور تجيب عربيها الاسعاف وياخدوا 35 جنيه عشان يودوها ويرجعوها كانت عايشه فى بيت ايجار قديم وكان فيه شق كبير بتشوف الشارع منه لحد ما قررت انها تسيب البيت وتاخد شقه ايجار جديد وبعد سنه الست المفتريه قررت تزود الايجار 300 جنيه مره واحده طبعا مكنش ينفع بقت كل ما تشوف حد توصيه يشوف لها شقه عشان تنقل طبعا بقى انتوا عارفين الكلام اللى يسم البدن بتاع الستات وانتى وانتى وانتى وكنتى بتتبطرى ومبترضيش بحد ووصلت لسن 36 سنه اه نسيت اقولكم ان ابن خالتها اللى كانت مخطوباله اتجوز وطلق وعنده بنت من طليقته بقت تقولهم انا لو كنت كملت معاه كان زمانى انا دلوقتى اللى مطلقه ومعايا بنت دخلت فى حالات اكتئاب وكرهت نفسها لدرجه انها قعدت تقول انا مقصره مع ربنا وانا معملتش حاجه لاخرتى وكلام من دا مبقتش بتنام اليل خوف من انها تصحى تلاقى مامتها توفت وبتتخيل هتعيش لوحدها ازاى لحد ما فى يوم اتنقبت ماما واصحابها بقوا يتكلموا معاها انها ممكن تتساهل شويه مع اللى بيتقدموا يعنى مش كل المطلقين وحشين وهكذاااااااااااااا وبيحاوالوا يهونوا عليها ندخل بقى على النهايه السعيده جالهم يا حلوين تدريب تبع المدارس وهى راحت التدريب دا من حوالى شهر كده او اكتر شويه وواحد اتعرف عليها هناك واعجب بيها وبنقابها وعنده 38 سنه وقالها مامتك قبلك وفى عنيا وعنده شقته ولم يسبق له الزواج بس هو من بلد فلاحين ودا مش مشكله خااااااااااااااااااااالص كلها شويه وتنقل مدرسه فى البلد دى من اسبوعين جابلها شبكه دبله ومحبس واسوره وخاتم الله اكبر هههههههه وكمااااااااااااااااااااااااااااااااان اسبوعين هتبقى الدخله زغروووووووووووووووطه بقى وزمايلها فى المدرسه جمعوا من بعضهم فلوس بيساعدوها على الجهاز بتاعها لموا حوالى 3 الاف جنيه زى نقطه كده ادعولها يا بنات ربنا يتمم لها بخير ويرزق كل بنات المسلمين يااااااااااااااااااااااااااااااااااااااااااارب ويفرح قلبكم جميعااااا انا قلت لازم ادخل فتكات واحكيلكم عشان تعرفوا ان كرم ربنا كبير وان مش معنى ان واحده دخلت على ال30 كده يبقى انتهت دا رزق وكل واحده رزقها محدش تانى هياخده وياريت تدعولى ربنا ييسر لى امورى ويهدينى