حب من اول عطسه القصة مرررررررررررررررة عجبتني وحبيت انقلها لكم لانكم تستاهلونها يا احلى فوشيات خريج جامعة مصيره معروف>>>(جلسة البيت) مالقى شغله غير( سوآق معلمات) المهم اشترى له أبوه( فآن) ينقل المعلمات ويأكل سكر نبات حذف كراسي الفان وفرش الأرضية أشكال وألوان سجاد ومخدات وبطاطين ( حسب طلب المعلمات ) ليه هالطلب الغريب..!! بسبب طول المشوار وطول الوقت بين القرية والمدينة والمعلمات يبون ياخذون الراحه ويستانسون بالطريق ) المهم بينه وبينهن ستارة...... الحريم ماخذات راحتهن إذا اجتمع الشمل وأخذ الفان يبتعد عن ديار الأهل واشتهين الأكل وضع الطعام وكثر الضحك والكلام والشاب الداهيه كله شفافية و أذآن صاغية واللى جواره( إبليس الفانات ) وشيطان الخلوات يصفي له القنوات ويسمعه الهمسات ويصور له الهامسات وفي مشوار العودة تغمض العيون ويخيم على الفان السكون وتمر الأيام تلو الأيام ويزداد في قلب الشاب الشوق ويزين له الشيطان الحرام وفي يوم وبينما يتعالى شخير النسوان رفع الشاب الستار ليهتك الأستار ويكشف الأسرار فما وجد الا السواد تحاط به الأجساد فأسدل الستارة وأنشغل بقيادة السيارة وفي يوم آخر اشتد عليه الزكام وكان يعطس بعنف "ياحرام" فشمتته إحداهن وقالت له : هل لك في بيالة زنجبيل تراهُ زينٌ بالحيل ومدت له بيالة تلو بيالة وشرب من يدها حتى الثمالة وضبط على صوتها راداره وانشغل بها ليله ونهاره إذا همست رف قلبه وطار عقله وقام يدعو ربه : يارب عساها بنت فلان بن علان اللي بيتهم في ذاك المكان وفي يوم لم يسمع لها صوت فاختنق حتى الموت فتعاطس وتعاطس يستجدي التدليل وبيالة زنجبيل ولكن لا حياة لمن تعاطس ( ماذا بلاها ) <<<<< أموت باللغة الفصحى ( قال له شيطان الفانات : تعمد تعطيل الفان وكلم النسوان وصدقني حبيبك بيبان) وقف الفان وقفل جواله واستنجد بالنسوان : الموتر خربان يا خوات وجوالي خربان من معها جوال نتصل على أحد يسعفنا؟ هي : سم هذا الجوال أتاه صوتها( كالنسيم العليل) والله , ما أجمل جوالها وما أعذب كلامها ابتعد عن الفان وأتصل على جواله ثم مسح رقمه من جوالها (تخطيط ) [واتصل على صديق له وتظاهر بأنه يرشده لحل المشكله اصلح العطل المزيف واعاد لها الجوال ( العيار ) وخزن رقمها تحت اسم زنجبيل وفي اليوم التالي تعمد التأخر عليهن لعلها تتصل عليه فلم تفعل وكرر محاولاته فلم ينجح وبينما كان ينتقل من منزل لمنزل في صباح ذلك اليوم السعيد اذ رن الجوال واذا بها زنجبيل هي : الووو هو : نعم هي : بنت فلان لن تذهب للمدرسة اليوم هو : سمّي لم يستطع اخفاء فرحته لقد عرفها وعرف أنها شابة مثله لم تتزوج بعد فتقدم لخطبتها من أبوها فرفضه وبشده والغى عقده معهآ فأصابه الهم والغم لفقدها ولفقد صويحباتها فقد ذهبن معها وبدأ مشوار البحث عن أخريات وبعد شهور من الفراق وعلى حين غفلة منه رن الجوال واذا بها هي المتصلة فرد عليها بلا شعور: زنجبيل (((ناسي عمره الأخ)))هههههههه هي : وش زنجبيله هو: عفواً من أنتي هي : أنا بنت فلان بن علان هو : سمي آمري هي : ما يأمر عليك عدو ، بس ودنا نتعاقد معك من جديد إن كنت فاضي هو : وأبوك هي : الله يرحمه هو : صحيح ؟؟ عفواً أحسن الله عزاك وتغمده بواسع رحمته استانس بالحيللللللللللللل بالخبر هي : جزاك الله خير ، هاه وش قلت هو : ما عندي مانع , من العام الدراسي الجديد طبعاً هي : لا من الحين وترى خوياتي معي هو : واللي أنتم متعاقدين معه وش تسون به هي : تركناه الكلب هو : افا وش مسوي هي : فاك علينا الستاره مسكينه ماتدري أنها حركه من سوابقه هو : الله يستر هي : وش قلت هو : عندي شرط هي : وش شرطك هو : تقبلين تزوجيني أغلقت الهاتف بعد صمت طويل ودون جواب فأرسل من يستفسر فأتته الموافقه تم الزواج وسعد الزوجين وفي يوم من الأيام وجدها غاضبة وفي يدها جواله هو : وش السالفة هي : أنت اللي قلي من هي زنجبيل اللي تكلمك وتكلمها هو : إنتي يا حياتي وأخبرها بالتفاصيل واتصل لها على الرقم فضحكت من قصة حبه وقالت إن كنت حبيتني من أول بيالة زنجبيل فانا حبيتك من أول عطسه