كان في رجل في حالة مسكين كافي خيره شره عنده دكان بوسط السوق وشغله على الله يوم فوق ويوم يصفق الخمس ما أحد يمره. وتدرون الأسواق فيها أخذ وعطا وربح وخسارة ودايم نسمع التاجر يقول الله يلعن ابليس هو الي وهقني والثاني يقول الله يلعن ابليس هو الي خسرني ما عدا صاحبنا الطيب وكان دايم يقول للتجار اللي حوله يا خوي مالك ومال ابليس تلعن فيه المسكين ما جاك كل الي صار فيك بسبب غبائك وسوء تصرفك وش ذنبه ابليس تلعنه. ويعني من ذا الكلام وسمعه ابليس اللعين وانبسط وقرر انه يجيه ويكافئه على دفاعه عنه وكان بينهم هذا الحوار: ابليس: يافلان ما أطيبك معاي وما أحسنك إلي الرجال: عفواً من انت يا خوي ابليس: أنا صاحبك ابليس, بصراحة أثرت فيني شهامتك ودفاعك عني عشان كذا انا جاي اكافئك على صنيعك معاي. الرجال: مكافأه وينها المكافأه. ابليس: مكافأتي لك اني احقق الي تبيه انت بس آمر وتدلل الرجال: أي شي ابليس: اي شي تكرم يا صاحبي الرجال: انا بصراحة ودي من زمان اطوف العالم من زمان اتمنى هذا الشي ابليس: تكرم عينك يالله مستعد الآن نبدأ نحقق حلمك الرجال: مستعد وركب الرجال على ظهر ابليس وراح يدور به من ارض إلى ارض ومن مدينة إلى مدينة وصاحبنا مبسوط فوق. لما عدت كم ساعة كذا اقترب الرجال من اذن ابليس وقال له: الرجال: لو سمحت ممكن تنزلني بس شوي؟ ابليس: ليش حبيب قلبي انت مو مبسوط؟ الرجال: إلا مبسوط لكن بعد اذنك بس ودي اقضي حاجتي ابليس: أفا ياذا العلم الحين تنزل وتقطع وناستك عشان حاجة هينة مثل هذي, لا معليش اقضي حاجتك على ظهري وانا اخوك الرجال: ما يصير اخ ابليس محشوم ابليس: ترى بتزعلني منك عجل عشان ما تفوتك المناظر قام الرجال صاحبنا ما كذب خبر وقضى حاجته على ابليس وخلص وهو يمدح طيبته وكرمه ثاني يوم قام صاحبنا وهو يلعن ابليس ويلعن مندوبه وخيره أثاري ابليس اللعين جايه بالحلم وقام الرجال من النوم وحصل نفسه مسويها على روحه هذا درس يبين انه لعين الله يلعنه وشكراً