أنا شاب زي كل الشباب و ليا شلة صحاب برضه زي كل الشباب و عاوز أنقلكوا رأي الشباب في البنات المتبرجات قبل ما أتخرج من الكلية كان ليا شلة شباب كنا كلنا رجالة الحمدلله و مكنش في شلتنا بنات كنا شلة محترمة بفضل الله قبل ما نتدين و بعد ما تدينا بفضل الله أينعم كان لينا في الفسح بس بأدب و هناك كان في أماكن كنا محرمنها على نفسينا زي القهاوي و الكافي شوبات و الانترنت كافيه و السينيمات و أكيد كان عندنا ممنوع شرم و الغردقة و هذا من رحمة الله بينا أهالينا مش متدينيين أوي بس عائلات غنيه محترمة كنا إحنا الجروب بتاع العربيات في كليتنا نعدي على بعض بالعربيات و نخش الجمعة قطار عربيات ورا بعضه بس مكناش النموذج اللي إنتوا هتفكرا فيه ده الوحش لأ الحمدلله كنت أنا و أصحابي نموذج للشباب الهاي ستايل اللي ساكن في المكان الفلاني و راكب العربية الفلانية بس في نفس الوقت الشاب المحترم الملتزم و إن لم يكن دينيا أوي فأخلاقيا مش هطول عليكوا بس على ما أظن بل على ما أجزم و أؤكد معظم شبابنا من هذا الصنف المحترم و إن كان يتضح لنا عكس ذلك ,فزبد البحر اللي على وش البحر يبان انه كتير بس لما تقارنه بحجم البحر ككل تجد أنه لا يمثل أي نسبة المهم بما أن هذا الشباب هو من يمثل الأكثرية أقصد طبعا الشباب المحترم إذا فرأيه في البنات المتبرجات له وزنه أشهد الله الذي لا إله إلا هو أنني و أصدقائي و كثير من الشباب المحترم بيقرف من البنات اللي على حل شعرهم و الله العظيم كثيرا ما يشعر الانسان منا أنه سيستفرغ عندما يرى بنت سافرة الله يعلم كم ينفر نحن الشباب المحترم الملتزم من هذه المناظر المقززة أشهد الله الذي لا إله الا هو كم نطمئن عندما نرى الفتاة المنقبة التي تلبس ملابس فضفاضه و الله العظيم ننظر إليها - ولا نرى منها شيئا لحشمتها - و نقول في كل صلاة اللهم إرزقنا مثلهن زوجة لي طاهرة عفيفة الله يعلم كم نشعر براحة البال و الطمأنينة و الوداعة عندما نراهم في ثوب العفاف فنتذكر أمهاتنا عائشة و خديجة رضي الله عنهم و نتذكر أخوات في الله لنا كفاطمة بنت محمد صلى الله عليه و سلم و حفصة و المشكلة إن البنات فاكريين لما يتبرجوا هيجوزوا و الله أبدا المعادلة سهلة هتلبسي أي كلام = شاب هيلعب بيكي شوية و يتسلى و لا يمكن هيتجوزك مهما كان هو نفسه مش كويس هتلبسي محترم = هتلاقي الشباب الكويس طالبين إيدك من والدك و أظنك مش هتعوزي إلا شاب كويس و محترم إنما بأه اللي بتتبرج عشان مش عايزه شاب كويس هأولك برضه مش هيجيلك لأن على رأي بعض زملاء الدراسة اللي كانوا بيلعبوا كتير بديولهم بقوله انت هتجوز اللي انت ماشي معاها دي؟ بيقولي لأ طبعا دي قراقيش على الماشي كده اهو بتسلى بقوله طب مش حرام تلعب ببنات الناس قالي يعني عايزني أخد واحدة لا أئتمنها على نفسها و نفسي و أولادي و عرضي مهي زي أما مشيت معايا ممكن تمشي مع غيري و بعدين لقيته بيقولي انا عاوز واحدة تربيلي عيالي مش عايزهم يطلعوا بايظين زيها عايزهم يطلعوا محترميين لذلك يجب ان اختار ليهم ام محترمة و أخيرا مع كل شكر و تقدير