موقف حصل لي اليوم بسـم الله الرحمـــن الرحيـــم السلام عليكم و رحمـة الله و بركاتـه موقف حصل لي النهار دة دلوقتِ حالا لسه طازة و أنا راجعة أنا أحضر درسا كل يوم جمعة بعد العصر عند شيخة معروفة هنا و كويسة و أنا منتقبة بحمد الله و أنا راجعة في الطريق أركب مواصلات لأن الجامع بعيد عن البيت شوية فأنا رحت الموقف و من عادتي لما يزنق أو يزدحم الرجال في الموقف أقف جنب الستات ففيه بنتين كلما أقف جنبهم يبعدوا عشرين مترا ، وقفت جنبهم بعدوا ، رحت وقفت جنبهم تاني بعدوا أكثر ، قلت أيه الحكاية ؟ و يبصوا لي كده بخوف ، أنا ضحكت و قلت ربنا يهديهم و ركبوا العربية معايا و ماركبوش جنبي خايفين مني قلت الله يهديهم و الموقف ده ما زادني إلا فخرا بحجابي و نقابي حتى أنهم ماعرفونيش فسبحان الله اللي زي دول عندهم جهل بالدين و محتاجين دعوة باللين لكن كلما أروح عندهم يبعدوا . بعدين أكيد غصبا عنهم هما سمعوا عن قلة من الرجال يرتدوا النقاب ليعملوا به مصائب لكن ليس العيب في النقاب بل في الشخص نفسه إنما النقاب فقدوتنا زوجات الرسول كن يلبسن النقاب خديجة و عائشة و جميع زوجات الرسول صلى الله عليه و سلم و الصحابة كن يرتدين النقاب