بسم الله الرحمن الرحيم بكل الاعضاء وكل المتابعين للاجزاء السابقه. و بعد انقطاع لفتره محدوده عن تكمله باقي الاجزاء السابقه من (سلسله فانكوفر التي عشقت) كندا. حبيت استكملها بهذا الجزء الاخير و المهم الذي يهتم ببعض التفاصيل والمعلومات المهمه للدارس والزائر لفانكوفر الساحره مثل اسعار المعاهد واسعار السكن والتنقلات بالباصات والتكاسي وغيرها مع بعض الصور الجميله للمدينه. أولاً: نبذه عن فانكوفر فانكوفر (Vancouver) مدينة كندية تقع جنوب غرب كندا تتبع لولاية كولومبيا البريطانية، (بريتش كولمبيا) على بعد نحو 40كم شمالي الحدود الفاصلة بين كندا والولايات المتحدة كميناء طبيعي. سميت على اسم القبطان جورج فانكوفر, وهي أكبر مدينة في ولاية كولمبيا البريطانية تعداد سكانها 2.180.737 نسمة حسب إحصاء 2006. ساعدت الجبال المحيطة بها والرياح الدافئة الآتية من المحيط في أن يكون لها طقس لطيف معتدل بالرغم من أنها تقع في أقصى الشمال. ومتوسط درجات الحرارة في فانكوفر 2°م في يناير و17°م في يوليو يرتكز اقتصاد المقاطعة علي مواردها الطبيعية ، وبالدرجة الأولي علي غاباتها الشاسعة والتي تغطي قرابة ال 56% من إجمالي مساحة المقاطعة. تغطي منتجات المقاطعة من ورق وأخشاب ما يقارب النصف من احتياجات كندا كلها. يعتبر قطاع السياحة ثاني أكبر مورد لاقتصاد المقاطعة. يزور المقاطعة كل عام قرابة 15 مليون سائح. وتبلغ مساحة المنتزهات بالمقاطعة إجمالا 5 ملايين فدان ويوجد بها اكثر من 180 حديقه عامه ، وتبقي سلسلة جبال الروكي أكبر معلم سياحي بالمقاطعة. السبب الرئيسي للرحله هو دراسه اللغه الانجليزيه خلال اجازه الصيف والسبب الثاني هو اكتشاف فانكوفر حيث انها حصلت اجمل مدينه في العالم لمده ثلاث سنوات متتاليه. وهذه بعض الصور قناه بحريه جميله جدا المبنى الاصفر مطعم بجانبه مرسى للقوارب اغلب المباني في الداون تاون بهذا اللون وهذا الارتفاع صوره قبل غروب الشمس من الداون تاون مكتبه فانكوفر العامه الناس يستعيرون الكتب من المكتبه ويقرؤنها في الشمس ومره دخلت للمكتبه وسئلت الموظفه عن أي كتاب باللغه العربيه جلست تبحث شوي بعدين اتصلت على موظف ثاني ثم قالت لي للاسف مافيه الا في الفرع الثاني للمكتبه في (ريتشموند) كتاب واحد والي قاهرني انه فيه عندهم كتب باللغه الصينيه واليابانيه والالمانيه والفرنسيه سعر الدولار الكندي عندما ذهبت كان مرتفع يساوي 3.75 ريال يعني نفس سعر الدولار الامريكي الناقل : من الرياض الى لندن الخطوط السعوديه ومن لندن الى فانكوفر الخطوط الكنديه من الرياض الى لندن 6 ساعات ومن لندن الى فانكوفر 9 ساعات سعر تذكره الطيران : 7780 ريال أي 2074 دولار امريكي تكاليف المعهد : 8600 ريال أي 2300 دولار امريكي 5 ساعات في اليوم تكاليف السكن مع عائله : 8700 ريال شامل وجبتين في اليوم أي 2320 دولار امريكي مده الاقامه : 75 يوما تكاليف الرحله كامله : 34000 ريال سعودي. من تذكره طيران لمعهد لسكن لروحات لجيات لاكل. تنسيق السكن عند عائله كان عن طريق المعهد العوائل عندهم لها تصنيفين فيه عوائل عاديه أي ان بيتهم في حي عادي او قديم وأب العائله وأم العائله وظائفهم عاديه مثل انه يشتغل في متجر او مطعم او موظف عادي . والتصنيف الثاني هو العائله الراقيه أي ان سكنهم في حي راقي و بيتهم جديد الى حدما وظائف العائله راقيه مثلا طبيب او مهندس او مدير في شركه او مدرس انا سكنت مع عائله من النوع الثاني عائله راقيه وكان السكن في حي رائع وفخم وكان اب العائله مهندس كمبيوتر في شركه وام العائله مدرسه انجليزي في احد المعاهد تذاكر الباص : فيه بطاقات شهريه اتجاه واحد او منطقه واحده (ون زون) بـ 70 دولار. منطقتين (تو زون) بـ 110 دولار. وثلاث مناطق (ثري زون) بـ 150 دولار تقريبا والاسعارمنيب متاكد منها 100% . يعني الي بيته قريب من الداون تاون ياخذ (ون زون) واحد والي بعيد شوي ياخذ (تو زون) والي بيته بعيد كثير ياخذ (ثري زون) طبعا الي يروح للمعهد ويجي على الباص ياخذ له بطاقات اوفر له لان البطاقه تقدر تستحدمها طول اليوم لكن التذكره الي تاخذها بعد الدفع للباص يوميا مدتها اربع ساعات تقريبا وبعد الاربع ساعات لازم تذكره جديده لكن انا يوديني ابو العايله في الصباح وارجع مع الباص في الظهر لذلك مااستخدمت البطاقات الشهريه مع انها يمكن توفر علي لاني في الويك اند اتنقل من مكان الى مكان من الصبح الى الليل وكل اربع ساعات تذكره جديده وفيه معلومه مهمه للطلاب. طلاب المعاهد والمدارس والجامعات مايعرف عنها الا قليل بحيث ان لهم تخفيض في الباص يعني تذكره الباص بـ 3.75 دولار للشخص العادي وللطلاب تخفيض التذكره بـ 2.50 بس يجب ابراز بطاقه الطالب وهذه بعض صور الباصات باص بنزين (عادي) باص كهربائي ( ترام ) في التقاطعات تحصل شبكه معقده من الوايرات عشان لو بغى سواق الترام يلف يمين او يسار او يروح قدام . الترامات الرايحه لها شبكه والترامات الجايه لها شبكه الي قاهرني وشلون يركز سواق الترام ويختار اي واير يتبعه ويوجد في فانكوفر الحي الصيني (تشاينا تاون) وهو قريب من الداون تاون تقريبا 20 دقيقه بالرجل وخمس دقايق بالباص يوحد به كل شي يخطر على بالك و رخيص جدا من ناحيه السعر عن الاحياء الاخرى واذكر مره حلقت شعر راسي في حلاق برى الحي الصيني بـ 20 دولار يعني بـ70 ريال اقول ياحليل السعوديه اغطي حواجبي ورموشي واقول ياصديق حلق الباقي (شعر راس ودقن وشنب) ومعها صنفره وبخار بـ 25 ريال. المهم قال لي ابو العايله ليش حلقت هناك المفروض انك محلق في تشاينا تاون الحلاقه عندهم بـ 10 دولار لاحظو نص السعر. والحي الصيني صغير يعني تقريبا كيلوين في كيلو وكل سكانه صينيين ولا يسكن احد فيه غير الصينيين ومشكلته انه خطير جدا فقط في الليل فيه عصابات مخدرات منتشره بكثره ويتخذه المشردين ماوى لهم لانه قديم وفيه شوارع ضيقه ينامون فيها. لكنه آمن في النهار ولا فيه خوف ومع ذلك انا مااروح له الا في النهار مع مجموعه من الشباب مدخل الحي الصيني (تشاينا تاون) مجسم في احد شوارع تشاينا تاون مهرجان بمناسبه افتتاح دوره الالعاب الاولمبيه في بكين حديقه الحي الصيني وهي صغيره ومجانيه ويوجد الشارع الهندي وهو شارع طويل وجزء بسيط منه لايتعدى نص كيلو هو المقصود حيث توجد فيه محلات للملابس الهندبه ومطاعم هنديه وبعض المحلات لبيع التحف الهنديه. ويوجد ايضا الشارع الايطالي وهو شارع طويل وجزء منه لايتعدى النصف كيلو هو المعني حيث يوجد فيه مطاعم ايطاليه للبيتزا ومطاعم للمكرونه ومحلات كفي شوب ايطاليه وهو مكان تجمع الايطاليين. وهنا بعض الصور المتفرقه جسر بوابه الاسد قريب من ستانلي بارك مجسم في الشارع على شكل رجل جالس معاريس صينيين جايين مع عروساتهم يصورون في حديقه اليزا بث هذا واحد يستعرض سيارته مافيه ستكر في بيتهم ما لزقه هذا يستعرض مهاراته بالسيكل والكور بس فنااااان ويترزق الله و الرياضه لها نصيب من الرحله فيه ملاعب كره قدم وملاعب كره طايره وملاعب كره سله وملاعب تنس ارضي كلها مجانيه ملاعب كره الطائره على الشاطئ ( كاتسيلانو بيش ) ملاعب كره السله على الشاطئ ( كاتسيلانو بيش ) ملاعب كره التنس منتشره في كل حي وكل شاطي حظور مباراه كره قدم بين فريق وايت كابس (يمثل فانكوفر) وفريق اخر اجنبي هذا يحمس الجمهور يقاله رئيس الرابطه. جاز تاون حي قديم وفيه ساعه قديمه جدا تشتغل على الجاز وكل ربع ساعه تطلع بخار كثيف مع صوت جرس وهو قريب من الداون تاون تقريبا 15 دقيقه مشي بالرجل وخمس دقايق بالباص وقريب جدا من تشاينا تاون وهي احد مقاصد السياح الامريكان والاوربيين لقدمها الساعه من بعيد والمنطقه الرائعه المحيطه بها الساعه من قريب معلومات في اسفل الساعه عن تاريخها . هذا مسبح البيت وكل بيت في الحي الذي سكنته عندهم اما مسبح او ملعب تنس ارضي بس للاسف ولا مره سبحت فيه دائما الجو بارد او مايل للبروده وهذي البلكونه حقت البيت تطل على المسبح وعلى ستانلي بارك وعلى البحر منظر لايغيب عن فكري ابدا واخيرا هذي ورقه الشجره الي في علم كندا على مااعتقد يسمونها ( نيبو ) وبهذا الجزء انتهت سلسله التقارير الخاصه بفانكوفر التي عشقت امل ان تحوز على رضاكم وان يستفيد منها من يريد الذهاب الى هناك تقبلوا تحياتي