ظرف موضوعي

ليش

كل مابغيت أوطّن إيدينى بيديك

عن كفى ..فى كفك تغيب..

و..ت..ن..ط..ف..ى؟!

كل مارسمت ملامحك..

حتى أعرفك ..بالتراب..

تصير غبار..

وتختفى..؟!

ليش السراج سميتك إنت

وترتعش برد وتعرّى

برّى أغنيتى..

وتفك أزرة معطفى..؟!

ليش أنطرك من كم عمر؟!

من كم صبر؟؟

ومن كم جديله حزنها مر

وطويل؟!

ومن كم قيض؟!

ومن كم غيض..

ألحّفه صدرى ولاهو يكتفى؟!

وأنت اللى ينقال لك وفى

أغمّض عيونى عليك

وماتفتح عيونك علىّ؟!

ليش يالوفى؟!

ليش أهمس لمحبوبتى البيضا

وأقول:

بنجيب لنا مليون ولد

الليله...

ونسنبل بلد!

تشدّها من شعرها

وتقول لها:"تلحّفى"!

ليش يوم أكرنفلك سوادى كلبوه..

وقلت لك: إبنحتفل عند الفجر

وبتشوفنى أوضح كثير

بعد الظلام!!

كسرتنى..

عيّرتنى..

وقلت لى:

( يالعبد وجهك منطفى)؟!!