عود عيونك
الناقل :
mahmoud
| الكاتب الأصلى :
تذكار الخثلان
| المصدر :
www.alsh3r.com
عود عيونك
ان طعتني ارحل بلا هم وجروح
طويت مركب حبنا مع شراعه
معاد انا لي فيك رغبة ومصلوح
خلاص خذنا من بعضنا مناعه
اول بنينا احلام وآمال وصروح
واليوم بانسف مابنينا بساعه
عود عيونك كل ليل على النوح
ولا تنتظر صبح يذيب القطاعه
ما انت ب.. كفو تصبح وصي على الروح
وانت تخون النفس لحظة دناعه
ازعل وعاند واضرب براسك اللوح
ومن البحر اشرب بكل اندفاعه
وان كان لك بعض الكرامه ومجروح
ارحل بصمت وخل عندك شجاعه
وش لك بقلب قالها اليوم بوضوح
اكرهك خذها قلتها عن قناعه