وده بقي ليوم النواشف المقادير : كوب ارز -1/2 او 3/4 ك عدس اصفر -2 ك ماء -ملح بنغسل الارز والعدس كويس ونضبف لهم الماء ورشه ملح ونولع البوتاجاز واما يغلي نحط ملعقة زبدة او زيت ونقلب كويس ونهدي النار شويةلحد ماينشف نهدي النار خااااااالص ونسيبه لحد مايستوي ... ممكن كمية الماء تختلف علي حسب نوع الارز المستخدم ممكن نقدم معاه باذنجان مقلي او فلفل مقلي والبطاطس مقلية او مهروسة بالنسبة للبيض ممكن نسلقه او نعمله بطماطم او نقليه وممكن ناكله بحتة جبنة وسلطة خضراء النهارده بقي انا عملت معاه بيض مسلوق وده بنغسله ونحطه في ماء الصنبور مش ماء دافيء ونسيبه يغلي في الماء بتاع 10 دقائق ونطفي ونسيبه في الماء المغلي واكيد لو في حاجة لسه ماستوتش هتستوي بطاطس مقلية ودي كلنا طبعا عارفينها بنقعطها ونغسلها ونصفيها كويس ونقليها في الزيت لحد ماتحمر ونخرجها من الزيت ونصفيها ونرش عليها الملح سلطة باذنجان ودي احسن من المقلي عشان خفيفه ولذيذه ومافيهاش دهون 3 باذنجان صغير و3 طماطم و3 فلفل وقطعيهم باي طريقة تحبيها وضيفي لهم التوابل والملح وملعقة زيت وولعي البوتاجاز وسيبيهم يستوا اما يبتدوا يغلوا قلبي كويس وهدي النار عشان مايلزقش في ارضية الاناء والسلطة الخضراء طماطماية وقرن فلفل وخيارة وقطعيهم وضيفي الملح والتوابل وملعقة زيت صغيرة ونصف ليمونه وقلبي كويس والف هنا وشفا باي نوع تعملوه