الفلك يستدير

بالله يا للي تبا الفيحا عنيـزة ديـرة أهـل iiالفخـر

يا سعد منهم عضوده بالشدايـد والزمـان iiالعسيـر

نطاحـة الكايـده لا قـل بالدنيـا بعيـر الظـهـر

الطيب منهـم وفيهـم كلهـم كبيرهـم iiوالصغيـر

جعل السلامة زهابك بالطريق الـى نويـت iiالسفـر

اسلم وسلم على عيال العميـم صغيرهـم iiوالكبيـر

اهل الوفا والمـروّه والشهامـه لويشيـن iiالدهـر

من يديك ليدين صالح خذ كتابي جعل خيـرك iiكثيـر

يا بو محمد ليالينـا تصافـق مثـل مـوج البحـر

عجزت أميّز لها وجه او قفا يا الله مقسـوم iiخيـر

واحترت مدري وش اخذ وش اخلي بين هم iiوقهـر

المبتدا زين ميـر المقبـلات الله علـم وش يصيـر

اللي ذبحني بغير اسلاح ما جا منـه علـم او خبـر

اللي بعقلي وروحي في حياتي صايرن لـي iiخشيـر

متى على الله عيوني من صخيف الروح تملا iiالنظر

القلب لولا الضلـوع اللـي يردنـه خطيـر يطيـر

كن الشهر لي سنه عقب التفـرق والدقيقـة شهـر

يا الله تلطف بحال المغرم العاشق عليـل iiالضميـر

يا صدق راع المثل قال الهوى والحب كلـه iiخطـر

والزين مثل الحيا متبوع مشهـاة الغنـي iiوالفقيـر

اتلا الخبر يوم وادعنـي واقدمـاه طريـق iiالحفـر

للديرة اللي ورى الرقعي يقود القلب سلـك iiالحريـر

اصعب علي شوفته من شوفة اللي فوق سطح القمر

لا شك ابصبرا على ما صابني لين الفلـك iiيستديـر