بيقولوا قال ثوره وقائد ماشى ثوره طب مين القائد الكل بيتعارك ع الكرسى من الكبير لاصغر رائد عورتنا مصالح شخصيه ناس بتدين وناس بتساند واللى يقول انا ضد الثوره من قبل ماينطق يتاخد واللى يطبل واللى يزمر واهى هوجه وزحمه وموالد قالك تغيير وهيطبق طب قولى ازاى وانا ليك شاهد ازاى هنغيرونعمر اقنعنى واهو تكسب واحد من كام يوم فاتوا اتكلمنا قالك اسكت قمنا سكتنا وده عيبنا فى العند نعاند ازاى بتطالب بالتغيير ومطنش صوتى صوت خالد مش نفس الصوت ده اللى رفعته وايدته وقلت اننا واحد يوووووووه لامؤاحذه نسيت انت اللى تدين واحنا نساند طب كل ثوره وليها نتايج ماشى ثوره طب فين العائد فتنه وانتشرت بزياده ومحدش ينكر ويعاند معاهده وبنحاول ننقذها وياترى مين جاى وهيعارض لا وعايزين يلغوا الماده التانيه بيقولك قال الحريه اهو ضحكوا عليك ضحكوا عليا والهبل كتير عايزين تغيير معلش قبلك عملوها انا فيا قالك دستورك يتعدل طب عدل ورينى النيه وعشان يتعدل يتبدل نقعد مرحله انتقاليه وبلدك دلوقت معبيه ايشى عاطل واتنين حراميه وشباب تايهين فى التقليه وناس رايقه وشغل افنديه وشوية طلبه بيتظاهروا عايزين المعهد كليه