الفراخ المشوية و المحشية فى الفرن ....بطريقة زى القمر ......من مطبخ زى القمر
الناقل :
SunSet
| الكاتب الأصلى :
زى القمر
| المصدر :
forums.fatakat.com
النهاردة ان شاء الله حوريكم طريقتى فى
الفراخ المحشية والمشوية فى الفرن
يارب تعجبكم
اولا حاجة حنجيب فرخة انا عاملة فرخة كيلو بعد التنظيف طبعا حنغسلها كويس زى ما نغسل اى طيور
وبعد كده نحضر التتبيلة
بصلتين متوسطين &فصين توم &طماطماية صغيرة &اربع ليمونات صغيرين لوكبار يبقى تلاتة بقشرهم
ملح وفلفل وبهار مشكل ومعلقة صغيرة كمون ومعلقة صغيرة بهار شاورما &معلقتين كبار خل ابيض
حنحطهم كل ده مع بعضه فى الكبة والليمون نحطه بقشره ونضربهم فى الكبة
نتبل الفرخة قبلها بيوم وندخل التتبيلة جوة الفرخة ونحط بين الجلد واللحم ونسيبها فى التلاجة لتانى يوم
نحضر
الرز لللفرخة
المقادير دى لتلات اربع مج من الرز
حنجيب بصلة متوسطة ندبلها فى معلقة زبد
ممكن لو عيزين نحط كبد وقوانص نحط دلوقت ونشوحهم شوية قبل البسلة
وممكن نحط لحمة مفرومة بدل الكبد والقوانص
بعد كده نجيب جزرة صغيرة نقطعها ونجيب بسلة
نشوح البسلة والجزر مع البصلة
بعد كده نحط شوية ميا ونسيبها على نار هادية لما البسلة تتشربها وتستوى تلات اربع سوا
هنا دى لما استوت وححط عليها الرز واحط الملح والفلفل ورشة قرفة ورشة بهار ورشة كمون
نحط عليها الرز ونقلب ونحط ربع كوب ميا واسيب الرز على نار هادية يستوى نص سوا
ده شكله بعد ما استوى نص سوا
حنشوح لوز مع زبيب فى قطعة سمن صغيرة ونحطهم على الرز بعد ما نسويه
كده الرز جهز لحشو الفراخ نسيبه يبرد علشان نعرف نحشيها
نحضرالفرخة علشان نحشيها
نشيلها من التتبيلة ونسيل التتبيلة اللى جوه واللى كانت تحت الجلد كويس اوى
دى التتبيلة اللى فضلت من الفرخة
ودى بقى نحطها فى مصفة تتصفى كويس اوى ونعصرها كويس
علشان ناخد الميا بتاعتها الفرخة تستوى فيها
دى الميا اللى طلعت منها وحطيناها فى الصينية اللى حنسوى فيها الفرخة
حنحشى الفرخة بالرز
وانا بحشى بين الورك والصدر زى ما انتوا شايفين
والرز اللى بين الورك والصدر ده لما بيتمدد بيطلع بره الفرخة وبيشرب من الصوص بتاعها ويتحمر بيبقى تحفة
يتبعععععععععععععععععععع
حنقطع بطاطساية
نحطها تحت الفرخة بتبقى تحفة لانها بتبقى شاربة من صوص الليمون
ومن الفرخة بيديها مزازة جامدة فبتبقى طعمها جميل اوى
لو مش عايزينها مش مشكلة بس انا دايما بعملها مع الفراخ المحشية
ونحط
الفرخة
عليها ونلف الفرخة بورق فويل كويس اوى ونحطها فى الفرن حار
ونبدا نتابعها بعد ساعة الا ربع نفتح عليها
دى بعد ساعة الارب ع تقريبا شايفين بقى الصوص اللى تحت ده ده بالمعلقة باخده و
بسقى بيه الفرخة والرز
وادخلها الفرن تانى وهى مكشوفة علشان تتحمر بتاخد نص ساعة كمان تقريبا
ودى شكلها لما طلعت وطبعا لازم تتقدم فى نفس الصينية كده لان لو اتشالت شكلها حيتبهدل
لو فى عزومة بعملها فى بايركس واقدمها بيه
وطبعا بيتبقى رز من الحشو ده بنحطله ربع كوب شوربة وبغطيه كويس واحطه فى الفرن مع الفرن يكمل سواه
وهو كنوع رز جميل اوى ممكن نعمله من غير حتى ما نستخدمه فى الحشو
يارب تكون فرختى عجبتكم يا فتوكاتى
ومش عايزة منكم غيردعواتكم ليا ولبناتى بالستر دنيا واخرة والصحة وراحة البال