السلام عليكم انا النهاردة جايبالكم اكلة جميلة جدا فراخ بالكريمة يمكن تكون غريبة شويه بالنسبة لبعض الفتوكات بس جربوها وموش هتندمو إن شاء الله المقادير صدور فراخ زيتون اخضر محشي جزر كريمة لباني ملعقتين دقيق خله اسنان وطبعا توابل (ملح وفلفل وكسبرة ناشفة لزوم تتبيل الفراخ والذى منه) ودى الكريمة اللباني الطريقه هتجيبي صدور الفراخ وتقطعى الصدر على شريحتين او تلاته يعنى تخليه رفيع وبعدين تقطعى الشرايخ قطع صغيرة بحيث تقدرى تلفيها على الزيتون وتبليهم طبعا بالملح والتوابل. وبعدين تجيبي كل زيتونه وتلفى عليها قطعه الفراخ وتدبسيها بخله هااااااااا خلاص كدا خلصنا الكميه اللى عندنا؟ وادى الصورة بعد ما خلصت الكمية بعد كدا بقة هناخد الكمية دى وهنقليها فى الزيت زى كدا بالظبط وبعدين بعد ما تتقلى نطلعها من الزيت ونشيل منها الخلة وهيكون شكلها كدا وبعدا كدا نقلل الزيت شويه ونروح نحط ملعقة ونص دقيق اقصد ملعقة أكل وبعد ما نشوحها شويه نروح حاطين عليها الكريمة اللباني يعنى بالظبط زى ما بتعملى البشاميل بس بنستبدل اللبن بالكريمة وبنقلل الدقيق عشان المفروض انى الصوص دى بتبقى سايله شويه عن البشاميل موش زى قوام البشاميل وبعدين بقه ونحطلها ملح وفلفل ونسيبها بقه تغلى شويه لغايت ما تتقل شويه كدا وبعدين نروح نحط عليها الفراخ ونسيبها شوية على النار زى كدا بس كدا خلصت وبتتاكل مع رز ابيض وبالهنا والشفا والطبق اللى جاى ده بقه ليا انا ههههههههههههه ويارب تكون عجبتكم والى لقاء اخر من حلقات أم نور