عن موعدي ياحديث الغيم للسنبله البرد سولف عن رموش الصباح وحملك
كل العصافير كانت بالضيا مقبله ليه استفزيت جدبك والضيا ماوصلك
للبال مفتاح .. عراف السهر يجهله والا انت عراف صدري لو سهى ماجهلك
افتح شبابيك صبح من زمن مقفله خل الندى من خيوط الريح يرسم جدلك
يوم انت غايب خذيت من الحضور اجمله ويوم انت حاضر تعلمت الحضور وشغلك
حتى مكانك نسي وشلون يبكي هله ماقلت لك قبل تنشدني مكانك خذلك
من غيرك اثنى على هذا المسا واسدله ومن غيري اغتاب ريشة دفتري ماسألك
ان كان تقدر ترد الجرح حد الوله واغسل مقادير ياسي من مراويح املك
هذي العصافير جاتك بالضيا مقبله هيا تهيا .. تعال ازرع بصدري نخلك