السلام عليكم ورحمة الله
هذي تعد اول مشاركه لي واتمنى تنال اعجابكم الاكيد طبعا انها ماهي من بنات افكاري ومنقوله لكن زي ماقلت قبل اتمنى تحوز على استحسانكم هذي قصة واقعية حدثت في الدمام
غرفة فى مستشفى خاص يرقد بها مصاب شاب سعودي يتلقى علاج لاصابته وهي عباره عن كسور في
الرجلين ورضوض في بقية اجزاء الجسم ... ومن اليوم الاول للاصابة واثناء وقت الزياره يأتي الكثير من الزوار
زعلانين لاصابة الشاب وماهي الا لحظات ويخرج الجميع وهم يمسحون دموعهم من الضحك وقد لفت نظر العاملين
في المستشفى الضحكات العاليه التي تخرج من غرفة ذلك المريض اثناء الزيار وبشكل ملفت للنظر ...
احد العاملين في الاستقبال صمم ان يعرف السبب ...وفي احد الايام ذهب للمريض بعد انتهاء الزياره وسأله عن
تلك الظاهره الغريبه
(ضحك في مستشفى وفي قسم الحوادث والرجّال مجبس)...اجابه المريض بان الزوار يعلمون بأصابتي ولكن
لايعلمون تفاصيلها المضحكه وعندمايسمعونها لايتمالكون انفسهم من الضحك وسرد على صاحبنا قصته
المضحكه تلك .......
يقول كنت نايم في أمان الله في غرفتي في الدور الثاني في منزل والدي وحلمت اني مت (توفيت) وذهبوبي
المقبره وقبروني وتحاسبت..
وجاء شخص يقول لي انت خلاص بتروح الجنه انزل واركب الباص اللي رايح الجنه ووراني الباص حقي ..يقول
فرحت وركض على باص الجنه اللي قال لي عليه وركبت ومعي ناس غيري وتحرك الباص وبدل مايروح الجنه
اتجه الى طريق النار (فيه لوحات مكتوبه واسهم جنه /نار) وانادي السواق (يا أخ غلطان هذي طريق النار ..يا
استاذ وين رايح ..يا )والسواق مطنش ..والركاب ساكتين ..ويوم قربنا من النار واشوف لهبهايخوف.. والسواق
متجه لها ولا عنده نيه يوقف قلت (ما دون الحلق الا الايدين,,اناا رايح الجنه وهذا بيوديني النار..)يقول وانااللي
انط مع دريشة (نافذة)الباص ولاصحيت من الحلم الا على بلاط حوش الوالد..وصار اللي تشوف
وتقبلوا تحياتي اخوكم راجي الجنان