عجايب الدنيا سبعة.. وف عهدك وصلوا تمانية.. ياما ف جرابك يا حاوى.. وجرابك قاسى عليّه.. كل مصرى بيسأل نفسه.. يعنى إيه ضرايب عقربية.. هو بيتى مش هو وطنى.. ووطنى عمره ما حس بيه.. بعد ذل سنين وكفاح.. وغربة ف الدول العربية.. أرجع وأبنى بيت.. وكمان أدفع ضرايب عقارية.. كان زمان فيه حرافيش.. وجباية وإتاوة مستخبية.. والنهارده العم غالى.. طايح ف البرية.. كل همه يجبى كتير.. وأنا همى رغيف طعمية.. بجد برافو عليك.. وقلبك كله حنية.. إنت فاكر إنك كده.. هتقدر تحل المشكلة الاقتصادية.. وكمان نعيش ف سعادة.. وأحمد ربنا وأبوس إيديه.. ياريت تفكر فينا سعادتك.. وابسطنا ولو شويه.. وتعرف إن راحة البال.. هى كل القضية.. وتقول لنفسك لأ.. لا يا وزير المالية.