محشي بامية وخضار من مطبخي بالصور بسم الله الرحمن الرحيم.. السلام عليكم ورحمة الله وبركاته... حياكم الله من جديد وفي طبق اخر من ابداعاتي المتواصله بسم الله علي... اليوم بعطيكم طريقه للمحشي والله لذيييذ وخاصه للي يحبون الباميه بيحبونه بزياده واللي ماتحبها راح تحبها(غصب الشغله) ماطول عليكم وماراح امدحها انتم جربوا وقرروا... واسالكم بالله لكل من دخلت تقول.. اللهم ارزقها بالوظيفه اللي تريحها وتيسر امورها يارب وتحقق اللي تبغاه.. ماطلبت شي بس دعوه... ركزوووا معاي الطريقه كتبتها من طق طق الى السلام عليكم.. طبعا اول شي تحددين اللي تبغين من الخضروات اللي تحشين انا حشيت(بطاطس باذنجان كوسه بندوره البعض فلفل رومي لكن مايحبونه اللي عندي) الحشوة: رز بسمتي وتراه اطعم من المصري لحمه مفرومه بصل بندورة بقدونس بهارات وملح تسلقين الرز واتركيه ع جنب اللحمه تكشنينها مثل ماتبغين وبعد ماتستوي اضيفي الرز عليها وحركيها مع بعض ويفضل البقدونس اخر شي علشان ماتروح نكهته.. خلصنا من الحشوة وهذي الصورة.. بعد كذا نحشي الخضروات الباميه خليها ع جنب شغلها بعدين هههههههه(انتي شوفي الطريقه واطبخيها بنفس الوقت اللي تطبخين فيه المحشي) بعد ماتخلصي من الخضروات ابدي بطبخها في الصلصه المعروفه.. بصل وزيت ثم بندورة مفرومه ومعجون طماطم وبهاراتك اللي تحبين وماء وكميته انتي اللي تحددينها اهم شي تغطي الخضروات بحاجه بسيطه.. بعد ماخلصتي من الصلصه..صفي الخضروات بالقدر ثم صبي الصلصه شوي شوي لحد ماتغطيها واطبخيها عادي انا ماعندي وقت بالقدر الكاتم 10 دقائق او حتى اقل.. الحين نرجع للحبيبه الباميه.. تختلف الباميه من ناحيه الحجم فيه كبيرة وصغيره(احلفي ماجبتي شي جديد) الكبيره سهل التعامل معها المشكله الصغيره.. شوفي الصورة والآله اللي اشتغل فيها نحيفه بالمره اللهم رأسها فيه مثل الشفره اخذتها من محلات الادوات المنزليه (اموت انا ع المسمى) طولتها والله عارفه.. الحجم الكبير بس اقطعيها من فوق وابدي فرغيها وخلي يدك خفيفه وشوي شوي ترى السرعه مو زينه علشان لاتتفتح.. شوفي انا كيف فرغتها... الحين الصغيره اول شي بالسكين ثم بالآله والصورة توضح اكثر.. بعد كذا نحشيها وبعد ماتخلصي الكميه هاتي صينيه فاضيه وصفي الباميه فيها مثل الصورة وصبي شوي ماء وملح لاحظي الماء مو كثير يااادوب حاجه بسيطه وغطيه واتركيه ع نااار هاااااديه (لو ماغطيتيه ماراح تستوي بسرعه فغطيها علشان من البخار تستوي) كيف تعرفي انها استوت لونها يتغيير يصير غامق.. الحين استوى المحشي صفيه بطبق مرتب بدون الصلصه فقط المحشي والباميه عندها بنفس الطبق ثم اضيفي الصلصله عليهم ورشي بقدونس وبس...