| This image has been resized. Click this bar to view the full image. The original image is sized 720x540. |
مكرونة خفيفة و لحمة بفتيك بالبصل
بالنسبة للحمة
اولا قطعت البصلة شرحات و بشوية زيت ذرة صغيرين حمرتهم فيها لغاية ما البصل بقى لونة شفاف و نزلت بشوية قرفة و فلفل و شطة
و بعدها نزلت باللحمة و النار عالية عشان تتلسوع على الجانبين و بعد كدة وطيت عليها و غطيتها عشان تنزل ميتها و تتسوى فيها و لو لسة مشتوتش نزود لها شوية مية من عندك و بالهنا و الشفا
المكرونة بقى
قطعت الثوم شرائح رفيعة جدا و حطيتة على النار مع شوية زيت زيتون و بعدها نزلت بطماطم مقطعة مكعبات صغيرة و الفلفل الاخضر و الزيتون الاسود و الذرة الصفراء الحلوة و بعدها حطيت الفلفل و الاوريحانو و الشطة و شوية ملح و كنت سلقت المكرونة حطيتها على الخليط قبل التقديم على طول و بالهنا و الشفا