هذه هدي
منذ لحظات
كانت لها عائله
رسم الدم معالم نهايتها
فوق الرمال
وفوق الجدران
فصرخت هدى
صرخت هدى
صرخت
صرخت
وليس هناك أى جدوى للصراخ
فى مدن الاموات يا صغيرتى
***
آه
يا صباح الانكسار
يا دمع عين قلبى الحزين
المستكين
اللى شبع ذل وهوان
ولسه ببجاحه يقول
كنا وكان
آه
يا صباح دم الشهيد
والمعتصم وابن الوليد
آه
يا صباح روح الرجال
المخلصه
مسجون انا ف سجن الانا
وف كل حته ف جتتى
ريحه كئيبه مدنسه
منا اصلى راضي بالخنوع
وراضى اعطش احتمال
ولكلمة العزه اجوع
ملعونه والله دى الدموع
مش مكسوفين وبينزلوا
آل يعنى لسه محزونين
وبيعرفوا يتألموا
من بعد ما كل الكلاب
باتم ف أحضان أمتى
فضوا بكارة عِزتى
آه
يا صباح مليان مرار
والله عار
والله عار
والله عار